كيف تطور نفسك في مجال الكتابه - ازاي تحسن من مستواك في كتابه الشعر، الاسكريبت، القصص القصيرة

 

الكاتبة نهاد عماد في حوار مع مجلة زي الكتاب ما قال وحديث عن رواية - حضن حلال-

دعونا نضع بين أيديكم حوار مثير مع كاتبة موهبة ألا وهي:_ نهاد عماد من مواليد 1995 ،محافظة القليوبية ،خريجة تجارة جامعة بنها ،حاصلة على المركز الثالث فى مسابقة الرواية علي مستوي جامعة بنها 2018، لرواية "عقم مجتمع وإرادة شخصية"

من واقع أليم يعاني من تمزق أربطة الأسر ،وتشتت الأطفال ، من تجارب قاسية يعانيها البعض بسبب التنمر من إنفلات أخلاقي أصبح آفة فى المجتمع ، من رحم المعاناة كما يقال استلهمت" الكاتبة نهاد عماد فكرة روايتها "حضن حلال" وتدور أحداثها" لتصيح فى وجه الآباء للإنتباه من التطبع باللامبالاة ،ولتنبذ بكلماتها كل أشكال التنمر ،ولتحي بألفاظها متعة الحب الحلال "

حوار مع الكاتبة نهاد عماد صاحبة كتاب( حضن حلال )

-السلام عليكم ورحمة الله وبركاته = نهاد عماد: وعليكم السلام ورحمه الله =أهلا بحضرتك -شكرا لذوقك -ممكن أولًاتديني نبذة عن كتاب حضرتك الاسم والفكرة. =الاسم حضن حلال =رواية بتتكلم عن حضن الأهل اللى عايشين معانا ومحرومين منه رغم وجودهم وتأثير دا علينا وإزاى نقدر نتغلب على دا بروح حلوة وفيها مواضيع فرعية زى التنمر وجبران القلوب والحب لما بيكون حلال ونتيجته أن ربنا هيجمعهم فعلا. -فعلا أحسنتي الإختيار -طبعا زي ما فهمت من حضرتك القصة ذات طابع إجتماعي هل بتشوفي إننا فى مجال الكتابة بحاجة إلي تقوية ذلك النوع من الكتب؟ =شايفة دا جداا وشايفة إننا لازم نلفت انتباه الأهل بالذات لطريقة التعامل مع أولادهم وإن كل فعل منهم له تأثير عليهم سواء سلبى أو إيجابي وواجبهم كأهل إنهم يعملوا كل اللى يقدروا عليه عشان يحافظوا على نفسيتهم ويكونوا أسوياء ويبعدوا عن الإكتئاب والنقص والمشاكل الكتير اللى بنقابلها. -إجابتك هتؤدي إلي سؤالي التالي معني ذلك أن هذا الكتاب مستمد من نماذج حقيقية أم أن أحداثه من نسج الخيال مقرونة بمسحة من الواقع؟ =لا واقعى أكتر من إنه خيالى - وهل تؤمنين بفكرة أن لكل كاتب طابع خاص فى كتابته أم أن الكاتب لا بد له من إتباع نهج الكتاب المخضرمين أمثال نجيب محفوظ؟ =مؤمنة جدااا أن كل كاتب له أسلوبه المميز اللى بيخطف قلوب القارئ وبيعلمهم وإن النهج اللى لازم اتبعه هو بس إنى أحاول قدر المستطاع أكون قدوة إيجابية ليهم مش العكس وإن تأثيرى عليهم يكون إيجابي -فعلا أوافقك الرأي وهذا سيجعلني أسألك من كاتبك المفضل؟ =أنا قرأت روايات لأكتر من كاتب بس بحب أتعلم من كل حاجة بقرأها ومؤمنه جدا إنى لسه ناقصنى كتير علشان أتعلم بحب نور عبدالمجيد ومحمد المشد ومحمد صادق والكاتب محمد المشد قدوة جميله بالنسبة لى بتعلم منه دايما -من وجهة نظرك هل الأفضل أن يستمد الكاتب أفكاره من الواقع أم من الخيال لتكون ذات تأثير أقوي؟ =الاتنين مع بعض بس بالنسبة لى شايفة إنى أكتب عن الواقع وأعالجه بجزء بسيط من الخيال أفضل كتير من إنى أعيش القارئ الخيال اللى يصدمه أما يتعامل بيه مع الواقع - فعلا خاصة أن للواقع تأثيره الخاص علي القارئ - ما رأيك فى الكتب الموجودة فى المعرض هذا العام ؟ = أكيد وإحساس القارئ إنه بطل الروايه اللى بيقرأها هيأثر عليه أكتر =لسه ماقرأتش منهم بس متحمسة جدا لبعض الكُتّاب خاصة اللى معايا ب نفس الدار وحاسه إنى فرحانه جدا إن معظم الأعمال الجديدة ل شباب صغير إحساس إن الحلم بيتحقق مبهج جداا - فعلا هل واجهتي عوائق فى نشر الكتاب ؟ =بأمانه ملحقتش .. نشر الكتاب كان عبارة عن هدية من ربنا ومكافأه ليا بجبران القلوب كل ما أحس إنى هيأس أو الباب بيتقفل أجبر قلب حد وف نفس الوقت ربنا بيجبر قلبى وييسر لى خطوة فى تحقيق الحلم والحقيقه أ/ عبدالغنى صاحب دار الراوى ساعدنى فى النشر وكان سبب فى فرحتى بنجاحى -توفيق الله أصابك أولا ثم من وجهة نظري فكرة الكتاب كانت مسخرة للقبول خاصة مع الأفكار التي تكمن فى عقلك وتؤمنين بها فى قلبك =الحمد لله جدا ربنا عالم الحلم دا بالذات تحقيقه ف الوقت دا بالذات أنا محتاجاه جداا - إذا أيتها الكاتبة الطموحة ما الذي تطمحين اليه فى العام المقبل؟ =أن حضن حلال تحقق نجاح كبير وتوصل فكرتها لكل الأهالى وإنى أكتب رواية جديدة وتكون فكرتها مختلفة أكتر وتحقق نجاح أكبر وأكبر -إنشاء الله مادمتي علي يقين سيستقيم لك الأمر. وفي الأخير هل فى سؤال كنتي حابة إني اسأله ومسألتوش =الحقيقه اه مين كان بيشجعك علي الكتابة ؟ =ماما وأمهاتى التانيه وأخواتى وأصحابى الحلوين أوى اللى لازم أشكرهم كلهم بصراحه على تشجيعهم .. وبحمد ربنا أن محدش اتسبب فى إحباطى من الكتابه وأن دايما اللى ف حياتى بيأثروا إيجابي ودعمهم واصل جدا - بارك الله لكِ فيهم جميعًا

-هل استمتعتي بالحوار ؟ = جدااا جدااا وشكرا كتييير للكيان . بس مش معنى إجابتى أن طريقى كان سهل بالعكس فيه مطبات كتير أوى بس لازم نختار الناس الصح اللى يقومونا منها مش يزودوها فى حياتنا والحمد لله أن حياتى فيها الأشخاص الصح اكتر - ودي أكتر حاجة إيجابية ممكن تدفعك لتحقيق أحلامك - شكرا لحضرتك جدا علي إتاحة الفرصة لإجراء ذلك الحوار وأتمني لكِ دوام التوفيق والنجاح.

يمكنكم متابعة الكاتبة من هنا Nehad Emad

اعداد / حمدية عبدالهادي