حوار ضيفتنا الكاتبة - دميانه راوي_ في حديثها مع مجلة زي الكتاب ما قال
الإسم : دميانه راوي
كاتبة مصرية.
محافظة : سوهاج
الميلاد : /2000
الأعمال : شاركت في العديد من الاعمال الكتابية منها ما هو منفرد ومنها ما هو جماعي مثل:
١- صاحبة المجموعة القصصية" تشتت " التى نشرت إلكتروني في عصير الكتب.
٢- " أصدقائي الغرباء " التى نشرت إلكتروني في وحي القلم.
٣- شاركت في كتاب " آفاق " الذي نشر ورقي.
٤- شاركت في كتاب " مقام الشيخ عوض" الذي نشر ورقي .
٥- شاركت في كتاب " نزع الشيطان " الذي نشر ورقي.
٦- شاركت في كتاب " انكسيتي " الذي نشر إلكتروني.
٧- صاحبة قصة " امرأة من الشيطان " التى نشرت إلكتروني.
٨- شاركت في كتاب " إليك ما جمعنا " الذي نشر إلكتروني.
--------------------------
دعونا نستمتع معا بحديثنا مع الكاتبة دميانة
بعد التحية:
-الكاتبة دميانة متي بدأتي الكتابة ؟
=بدأت من سنه وخمس شهور تقريبا
-هل الكتابه غيرت شئ فيكي او اثرت في شخصيتك ؟
=اكيد خلتني واثقه في نفسي وشخصيتي اتغيرت 180 درجه
بقيت انسان ليه هدف وعنده طموح عوز يوصلها مهما كلفه التمن.
جميل جدا الاصرار ده ربنا يوفقك
اشكرك 💙
- ايه هي احلامك القادمه او عايزة توصلي لايه في الكتابه؟
=احلامي اني ابقي علم من اعلام المجال الأدبي
أن يبقي لي متابعين من مختلف أنحاء العالم
أن كتاباتي تلمس قلوب كل من يقرأها
-مين ابرز الكتاب اللي اثروا فيكي؟
وتحبي تقريلهم؟
=احمد خالد توفيق
الحقيقة هو الوحيد اللي بحس في أسلوبه شيء من السلاسة والاتقان
- ايه أبرز الروايات اللي قرأتيها له؟
=لست وحدك
وممر الفئران
وما وراء الطبيعه
وغيرهم بس مش متذكرة باقي الاسماء
-مين اكتر حد بيشجعك تكتبي؟
عائلتي وصديقي الأبدي و عائلتي التانية اللي هي على السوشيال ميديا.
-في حد معين والدتك والدك اسم صديق معين؟
=اكيد بابا وماما ورامي 😂🤦
-هل في عمل قادم أن شاء الله ولا لسه مش عارفه؟
=فيه عمل بجهزله وكنت هنزل بيه السنادي بس حبيت ااجلها لأن السنادي مش هقدر انزل المعرض
هو عبارة عن شيء مختلف
خواطر وتنمية ذاتيه في هيئة قصص حقيقية
-عمل جماعي ولا منفرد ليكي وحدك؟
=لا فردي
جميل كل التوفيق يا رب
اشكرك 💙
-طيب في الختام حابه تقولي حاجه تختمي بيها الحلقه؟
=حابه أقول إن الحياة مش لازم تكون روتين ممل هتعيشه طول حياتك، دور على حلم وحققه واسعي عشان تنجح.
النجاح ليه طعم مختلف لازم تجربُه.
شكرا جدا للنصيحه دي وربنا يوفقك يا رب
العفو اللهم امين يارب
وفي النهاية نشكر الكاتبة دميانة راوي علي اللقاء الجميل معاها ونتمنى لها دوام التفوق والنجاح
يمكنكم متابعة الكاتبة دميانة من هنا دميانه راوي
اعداد : محمد حداد
تعليقات
إرسال تعليق
اكتب تعليق لتشجيعنا