حوار صحفي مع الكاتبة ضحي موسى عن عملها الاول في معرض القاهرة الدولي للكتاب 2021 عن رواية : الأبلق
في حديث شيق مع ذات القلم المتألق الكاتبة:_ صاحبة ال15 عام، بنت الاسكندرية ، الكاتبة الروائية: ضحى موسى أحمد عبدالسلام أحمد
التي شاركت بعملها الأول في معرض القاهرة الدولي للكتاب 2021 برواية "الأبلق"
حيث دار الحديث بين مراسل:زي الكتاب ما قال:_ محمد حداد والكاتبة:_ضحى موسي
وكان الحديث كالتالي:_
- في البداية نرحب بالكاتبة الروئية : ضحى موسي معانا في منصة زي الكتاب ما قال اهلا وسهلا بحضرتك
= اهلا وسهلا بكل اعضاء لكوكب الازرق ومبسوطه اني موجوده معاكم هنا
- نحب معرف من امته بداتي تكتبي وتعرفي عندك موهبة الكتابة؟
= من سنتين تقريبًا.
-فاكرة اول حاجه كتبتيها؟
=ايوا، طبعا دي:
(و ها أنا ذا أقف على عتبة قلبك مستعدة لجرعة أخرى من الوجع، فقط افتح لي لنتقاسمه سويًا علّ قلبكَ يعود إلى سابق عهده وتحن إلى قلبي المُرهق من الإنتظار.)
- مين اكتر حد بيشجعك تكتبي؟
=والدتي وصاحبتي روان بهي
-كانوا بيشجعوكي ازاي او في مواقف حصلت وهم كانوا جنبك احكيلنا؟
= بيدعموني دايمًا، صحبتي هي اللي شجعتني ابدأ الرواية وكل مرة كنت بحس بتعب كانت بتشجعني اكمل لحد ما قدرت اخلصها كاملةً في شهر واحد الحمدلله، ووالدتي كانت معايا دايمًا في كل خطوة، من اختيار دار النشر للمشاوير وإختيار الغلاف والسفر معايا للمعرض، كانوا بيدعومني بكل حاجة يقدروا عليها وليهم فضل كبير في ظهور الرواية في الوقت دا
-مين قدوتك في الكتابه؟
=حنان سعيد، د/ أحمد خالد توفيق، وأجاثا كريستي
_ايه الروايات اللي قرأتيها ليهم ؟
=حنان سعيد قرأت روايتها الأولى، اسمها: أولى أجنحة
وأحمد خالد توفيق: ما وراء الطبيعة، لست وحدك وقصاصات قابلة للحرق
وأجاثا كريستي :ثم لم يبقى أحد وجريمة في قطار الشرق السريع
ممكن تكلمينا نبذه عن الرواية بتاعتك (الأبلق)؟ بدون ما تحرقي الروايه
من باب التشويق.
=رواية نفسية إجتماعية، بتتكلم عن مرض الهلوسة وإن المريض النفسي مش مجنون بالعكس محتاج بس مجرد رعاية وإهتمام، حبيت أتكلم عن إن الحياة مش لطيفة لدرجة تكون كلها وردي ولا سيئة لدرجة السواد، وإن الإسود حتى لو طغى على الأيام فاللون الرمادي الأمل موجود ودايمًا هنلاقيه، مهما واجهنا من مشاكل عائلية وخذلان وحزن فبالتأكيد هنلاقي الحب والرعاية في النهاية مع شخص يحبنا بصدق
-الله موضوعها فعلا رائع وجميل جدا
=تسلم يارب، يشرفني رأيك جدًا 💙
-طيب وفي أعمال تانيه ليكي ولا ده اول عمل؟
=لا أول عمل، وإن شاء الله مش الأخير
-ان شاء الله
-عندك مواهب تانيه؟
=بتعلم شغل مكياج الرعب السينمائي من فترة وبحاول اتقنه بشكل كويس
-كل التوفيق اه انا متابع وفعلا في تطور مستمر
-تمام طيب في الختام كده في حاجه حابه تضفيها او تقوليها؟
=احب اشكر حضرتك أولًا، ثانيًا أحب اقول لكل شخص عنده موهبة إنه يتمسك بيها، لذة الوصول تستحق التعب ومهما واجهت من مشاكل اتمسك بحلمك، متتلفتش لسنك او إنك مش هتقدر تثبت نفسك وسط الناس المعروفة، محدش بيوصل من أول خطوة ومفيش حد اتولد مشهور، حارب وهتوصل، حارب عشانك، عشان انت تستحق النجاح وفرحته.
وفي الختام نشكر الكاتبة : ضحي موسى علي هذا الحوار الممتع ونتمني لها دائما التفوق والنجاح
وده لينك صفحتها تقدرو تتابعوها من هنا Doha Moussa
اعداد : محمد حداد
تعليقات
إرسال تعليق
اكتب تعليق لتشجيعنا