بقلم آلاء عيسي- من قصص اعضاء زي الكتاب ما قال
-الآنسة اسيل اتفضلي دورك في الانترفيو..
=شكرا يافندم ..
اسيل بتوتر ربنا يستر ..يارب والنبي اتقبل انا لو الشركة دي كمان مش قبلتني كدة هاكون حطمت الارقام القياسية في الطرد من الشركات ..
اسيل خبطت ع الباب
-اتفضل ..
=ممكن ادخل ..
-اتفضلي عرفيني بنفسك.
=ان...ان..انا اسيل عندي 22سنة خريجة ألسن قسم ترجمة وكنت عايزة اشتغل في الشركة بتاعت حضرتك ..
-تمام ..ممكن اشوف السي في بتاعك ..
=ااه اتفضل حضرتك..
-تمام بصي ياآنسة اسيل هو السي في بتاعك حلو ..
=لا والنبي مش عايزة اترفد من اولها ..حرام هاقول لأمي ايه اللي مستنياني في البيت عشان افرحها ولا أبويا اللي مستني يشوف بنته بتشتغل يرضيك اكسر بخاطرهم ..
-ايه ده في ايه ؟؟!! هو انا لسه قولتلك حاجة ياآنسة انتِ؟!
=اصل انا سمعت الجملة بتاعت السي في بتاعك حلو وبعدين يقولولي العدد مكتمل ..
-لأ ياستي انا موافق انك تشتغلي معانا بس بشرط انك تلتزمي بالقواعد والشروط بتاعت الشركة لأني مش باقبل الأعذار نهائي ..
=بجد شكرا جدا وانا هاثبتلك اني عند ظن حسن سعادتك ..ااقصد حسن ظن سعادتك .. متشكرة لحضرتك جدا .
-تمام ..اتفضلي ياآنسة بكرة تيجي 8 الصبح عشان تبدأي الشغل معانا ..
=حاضر يااستاذ..
روحت اسيل وكانت فرحانة جدا ..وقالت لمامتها وباباها انها اتقبلت وهاتشتغل من بكرة ..
وفي اليوم التالي صحيت اسيل وفطرت وراحت الشركة ...
بدأت اسيل في شغلها واتعرفت علي زمايلها في الشغل احمد ويارا ...
-آنسة اسيل الاستاذ عايزك في المكتب ..
اسيل: هو ماله شكله متعصب ليه كدة يااستاذ احمد ..
احمد : مش عارف ..بس متخافيش روحي وشوفيه عايز ايه ؟؟!
اسيل وهي متوترة راحت علي المكتب وخبطت ..
-اتفضل ..
=حضرتك طلبتني ؟!
-ااه لازم اعرفك علي قواعد شركتنا انا الاستاذ مازن مدير الشركة ومش هاسمح بأي غلط يحصل ودلوقتي هاختبرك دول 20 ملف يكونوا خلصانين النهاردة ومن هنا هاقدر اشوف كفائتك في الشغل ..
=حاضر يااستاذ مازن هاكون عند حضرتك اول ماخلصهم..
اخدت اسيل الملفات وخرجت برا المكتب وقعدت تكلم نفسها انا هاعمل 20ملف ولوحدي ليه يعني ربنا يستر ومايطردنيش من اول يوم ...
وبدأت اسيل في الشغل والوقت جري بسرعة والموظفين بيمشوا واحد ورا التاني وهي لسه قاعدة تشتغل لحد الساعة ماجت 8 باليل وانقطعت الكهرباء ..
اسيل: هو يوم اسود من اوله من ساعة ماالاستاذ اللي عمال يقول في اوامر ده انا هاروحله واقوله ليه الكهرباء اتقطعت يااستاذ ياللي بتحب كل حاجة في شركتك مظبوطة ..
مازن : مافيش داعي تتعبي نفسك وتجيلي انا سمعت كل حاجة ..
اسيل بتوتر : انا ..انا ..انا مكانش قصدي ..
مازن : هو انتِ لسه زي مانتِ لسانك طويل ومش بتعرفي تسكتي ..
اسيل: عفوا ..انت تعرفني؟؟!!
مازن: طبعااااا عارفك من زمان من وانتِ طفلة ..
اسيل بصدمة :ازاي؟؟
مازن : مين كان بيقولك وانتِ صغيرة انك مش هيبقي ليكي مستقبل بسبب لسانك ..
اسيل: مازن الغبي كان دايما يدايقني ويقولي اني مش هانفع واني واحدة فاشلة بس كان بيهزر معايا وكان بيقولي أن الايام هاتلف وهاشتغل عنده عشان انا فاشله.....لحظة مازن ؟! انت مازن نفسه؟؟؟؟؟؟!!!
مازن:اااه ..شوفتي الايام مش قولتلك انك هاتشتغلي عندي !!
اسيل: لا انا ماكنتش اعرف انك انت ..حيث كدة سلام عليكم بقي انتهت مهمتي هنا ..
مازن: هو دخول الحمام زي خروجه ؟؟!
اسيل:قصدك ايه يعني؟!
مازن: يعني انك اترجتيني عشان تشتغلي هنا ف عندك حلين ..الاول:انك تخرجي من هنا وانتِ مراتي ..والتاني: انك تكملي شغل عندي وهتبقي مراتي برضه ...
اسيل: لا انا هاروح ع بيت ابويا احسن ..سلام يااستاذ مازن.
مازن: هاتروحي وهتلاقيني هناك وهاتشوفي..
اسيل: ليه ساحر حضرتك بلاش كلام فاضي سلام.
اسيل روحت وهي بتفكر في كلامه واتمنت ان هي تروح البيت وتلاقيه فعلا مازن حب طفولتها وكانوا دايما يتحدوا بعض ويعملوا مسابقات وكان مازن بيخسر قصدا عشان هي تكسب ..
اسيل: ماما ..انا جييت انتم فين ..
الاب والام : تعالي يابنتي شوفي مين عندنا وجاي طالب ايدك ..
اسيل: مااااازن ؟؟؟؟!
-نسيبكم بقي مع بعض شوية ..
مازن: مش قولتلك هاتلاقيني لما تروحي ..
اسيل: طب ياللا بقي ياشاطر من هنا ماعندناش بنات للجواز ..
مازن: هاتي الشربات ياحماتي وتعالي ...ماهو انا هاتجوزك يعني هاتجوزك ..
اسيل بضحك: انت مجنون وانا مش موافقة ..
مازن: افضلي اتهربي براحتك لحد ماتبقي ف بيتنا ونشوف بقي مين هاينقذك ..
اسيل بكسوف : وحشتني ع فكرة ..كل ده غياب ؟!
مازن: يابركة دعاكي ياما رجعي الشربات وهاتي المأذون ياحماتي .. بصي انتِ كمان وحشتيني جدا ..احنا نكتب الكتاب ونعمل الفرح بكرة ونخلص ..
اسيل: موافقة يامجنون ..
#رأيكم؟
#الشيربيفرح.
#آلاء_عيسي.
جميله جدا جدا ❤️💜💙
ردحذفشكرا❤💙
حذف