بقلم آلاء عيسي- من قصص اعضاء زي الكتاب ما قال
-آنسة ياآنسة..
=نعم عايز ايه؟؟!
-المذكرة دي وقعت من حضرتك ..
=اه اه شكرا ليك ..
-لسه زعلانة وبتعيطي ؟؟
=وانت مالك اصلا ..يخصك ف ايه؟؟
-بصي كدة بصراحة انا قرأت المذكرة بتاعتك ..انا اسف والله بس انا عايز اقولك رأيي مش عشان خطيبك سابك بعد ماكان خلاص كتب كتابك بكرة انك تفضلي مكتئبة وتعيطي كل يوم
اكيد هو مايستهلكيش وهايروح لحد تاني وهايندم عليكي..
انا اسف اني اتكلمت ف حاجة ماتخصنيش واني فتحت المذكرة بتاعتك وقرأت فيها وكمان انا مش بافرض عليكي حاجة انا بس باقولك رأيي وعادي لو ماخدتيش بيه ..
=لا ولا يهمك شكرا لأنك رجعتها ..
-مش عارفة ليه حسيت بشعور غريب مع أن الكلام ده بيتقالي كل شوية عشان اعرف انسي خطيبي ده هو مكانش بس خطيبي كان حبيبي وصاحبي وفضلنا 5سنين جامعه مع بعض ولكن ف الآخر سابني قبل كتب كتابنا بيوم وسافر برا مصر وانا من ساعتها وانا مش باكلم حد ومصدومة ..
-هي فريدة فين يااميمة.
=لسه جاية من بره ودخلت تنام شوية ..انت عارف من ساعة ماسبها وهي ف الحالة دي ..
-خلاص احنا نروح نصيف ف اسكندرية واهو منها نصيف ومنها فريدة تنسي الزفت ده..
=طيب ادخل قولها يامحمود..
-فريدة بنتي قومي عايز اتكلم معاكي..
=خير يابابا ..
-احنا هنسافر اسكندرية بكرة عشان نغير جو..
=ماشي يابابا انا موافقة وهاحضر شنطتي للسفر حاضر..
مش عارفه ليه وافقت بالسرعة دي ..بس تقريبا كدة كلام الاخ ده أثر فيا ..
وفي اليوم التاني ..حضرنا نفسنا وروحنا وركبنا الباص ..
ووصلنا اسكندرية وكنا تعبانين ونمنا وصحيت باليل وقولتلهم اني هانزل البحر شوية ..
نزلت اتمشي ع البحر شوية وبعدين لاقيت البحر حلو نزلت البحر لاقيت نفسي دايخة ووقعت ..
-انتِ كويسة ياانسة ؟؟
=انت ..انت تاني؟؟!!
-ااه انا تاني وتالت ورابع ..ف واحدة تنزل البحر وهي لسه جاية م السفر وماكلتش حاجة من الصبح خالص..
=انت انت عرفت ازاي كل ده ؟؟!
-انا السااحر ..
=هههه ..انت هاتهزر من اولها ..
-انا لسه شايفك امبارح ف القاهرة ولما انقذتك الدكتور قال انك مش اكلتي حاجة م الصبح ..بس كدة وكمان من الصدفة اني انا كمان سافرت وكمان ف نفس الباص والاغرب ف نفس المكان اللي انتم ساكنين فيه ..
=ده بجد !!!
-ااه والله بجد ..
-طيب عن اذنك انا مضطرة امشي بقي
=تسمحيلي اوصلك ؟؟
-طيب ماشي ..
=انا اسمي مازن مهندس .. وعايش مع والدتي بعد مابابا مات ..
-انا فريدة مهندسة ديكور ..عايشة مع بابا وماما وبحبهم جداا ولسه منفصله عن خطيبي ..
=ماانا عارف انتي نسيتي اني قرأت مذكراتك وعارف كل حاجة عنك ..
=ااه صح ..خلاص انا هانزل هنا ..مش عارفة ايه اللي خلاني اعمل كدة بس انا سيبت شنطتي ف عربيته قصدا يمكن عايزة اشوفه تاني مش عارفه ..
اليوم التاني لاقيته عندنا ف البيت كنت فرحانة جداا....وفرحت اكترر لما سمعته بيقول لبابا انه عايز يتقدملي وان احنا هانعيش ف اسكندرية ومش هانرجع للقاهرة تاني غير ف الزيارات ..
بابا قالي تعالي اقعدي معاه واتعرفي عليه وشوفي اذا كنتي هاتوافقي ولا لأ ...
روحت قعدت معاه وانا مصدومة مش فاهمة هو مش جابلي اي سيرة انه هايتقدملي ..
=اكيد انتِ مش فاهمة حاجة ..انا هاقولك انتِ كنتي معايا ف نفس الجامعه وكنت دايما براقبك بس انتِ كنتي بتحبي حد تاني عشان كدة كنت بعيد عنك وبعدين لما عرفت انك فسختي خطوبتك جيتلك ع طول مااستحملتش اشوفك مدايقة ومن حسن حظي انك لما خرجتي وقعتي مذكراتك..
وكملت مراقبتك بقي وجيت وراكي اسكندرية والباقي انتِ عارفاه..
-بس انت ليه جيت تتقدملي من غير ماتعرفني مع اني كنت معاك امبارح ومش قولتلي؟؟
=عشان اتعلمت انتهز الفرص زي ماعملتي ..مش سيبتي شنطتك ف عربيتي قصدا ؟؟
-اانااا ..بصراحة ااه
=تمام كدة تخرجي زي الشاطرة تقوليلهم انك موافقة عليا عشان انا زهقت م الانتظااار..
-ههه حاااضر.. بابا انا موافقة ..
=تمام كدة كويس اووي كتب الكتاب الاسبوع الجاي ..لو عليا عايز اتجوووزهااا بكرررة ..
تعالت ضحكات الجميع ...
"الفرص وكيفية انتهازها حرفة لايتقنها الا القليلون "
#قلم~ورقة.
#آلاءعيسي.
تعليقات
إرسال تعليق
اكتب تعليق لتشجيعنا