بقلم ندي حمدي- من قصص اعضاء زي الكتاب ما قال
(ظلمت نفسي)
"كل بنت بتتمنى اب حنين وديما بتلاقى البنت بتحب ابوها بس انا مش زيهم انا بكره بابا هو اللي بعنى لواحد كبير في السن ماأخدش حتى رأيي لقتنى قدام امر واقع مكتفاش أنى صحيت من نومي فى يوم على خبر أن ماما ماتت وهى بتولد اختى وقبل ما افوق من صدمة وفاة امى واختى اللى ملحقتش اشوفها لقيت نفسي متجوزه راجل كبير اكبر من بابا نفسه قولولى احبه ازاى"
انا صافى.. النهارده عرفت أن بابا مات وطبعا بعد المقدمه اللى أنا قلتهالكو مستحيل حد يتوقع أنى زعلت عليه ودى كانت الحقيقه طبعا قبل ما الاقى الصندوق الاسود، اسود فى لونه واسود فى اللى جواه لأنى لما دخلت الاوضه اللى المفروض انها كانت بتاعت بابا لقيت صندوق في الدولاب وملقتش اى حاجه تانيه حاولت افتحو كتير معرفتش وبعدين لقتنى بقول لنفسي وانا عايزه افتحو ليه هو انا كنت بحب صحبه اصلا عشان اشوف ساسيبلى فيه ايه اقلكو حاجه حتى السلسله اللى فى رقبتى مش عيزاها لمجرد ان هو اللى كان مديهالى وأهيه.. ايوه حدفتها على طول دراعى لدرجة انها كسرت المرايا وانا بلم الازاز لقيت القلب اللى كان فى السلسله مفتوح ولقيت مفتاح صغير على طول خطر فى بالى الصندوق الفضول كان هيموتنى سبت كل اللى فى ايدى واخدت المفتاح وجريت عشان افتح الصندوق...
اسمى صافى سليمان عندى 22سنه متجوزه اكرم المهدى، 57سنه دكتور ورجل اعمال ابوه"زيدان المهدى"
كتبلو شركاته كلها لأنه الابن الوحيد عنده بقا ماسك كل حاجه فى الشركات دراعه اليمين فى الشغل والشركات ابن عمه"سالم المهدى" 25سنه، اكرم بيعتبره اخوه الصغير....
الموضوع بدأ بجوازى من اكرم بأتفاق من ابويا قبل ما يموت
كان عندي 18سنه بابا قبل ما يموت كان بيشتغل شغل بسيط جدا وحس انو هيموت اكرم اتقدملى وبابا وافق واتنقلت لڤلة اكرم المهدى فرق كبير جدا بين شقتنا البسيطه اللى كانت فى حارة من حوارى مصر وبين الڤله الكبيره، الڤله عباره عن تلت ادوار الدور الاول فى تلت اوض لكل اوضه
حمامها وفى مطبخ وحمام كبار ورسيبشن كبير جدا كل حاجه فيه بالون الدهبى الدور التاني عباره عن اربع اوض كل اوضه فيها حمامها والدور التالت نفس الوصف ده غير بقيت املاك اكرم، ابتديت احب اكرم رغم فرق السن الكبير جدا اللى بنا لحد ما كنت نزله المطبخ وسمعت اكرم بيكلم حد فى الرسيبشن طبعاً فضولى خلانى اروح اعرف هو بيكلم مين وقفت
فى مكانى مره واحده لما سمعت
الحوار.....
_______________________
اكرم: يابنى انا اخدتها عشان هى حلوه بس لو مكنتش عجبانى مكنتش فضلت وراها
سالم: طب وانت ليه عملت كده ومعلقها معاك ماتسبها وتشفلك غيرها وتخليها تكمل تعليمها
اكرم: بقولك اى انا اخرى معاها تخلص الثانوى وبس مش عايز كلام كتير
سالم: بس هي كده هتشك فيك من طريقتك معاها افرض طلبت حاجه ورفضت هيبقا شكلك اى
اكرم: وانت مين قلك أنى هرفض جمالها يستاهل وانا بصراحه ابتديت احبها
سالم: بس مش عوايدك يعنى تحب واحده
اكرم: ساااالم اقفل الموضوع وروح شوف شغلك بس عدى على
المستشفى الاول في شوية اوراق خلصها تبع تهريب الاعضاء
سالم: حاضر يا اكرم.. سلام
الحوار ده خلانى افوق ازاى احبه
ده ميستحقش حبى...
جريت بسرعه على اوضتى
قبل ما اكرم ياخد بالو من وجودى ودخلت فرشتى زى ما سبنى نايمه وانا فى بالى الكلام اللى سمعتو ومش عارفه انام فرق كبير جدا مبين انك تبقا عارف الحقيقيه ومبين انك تبقا شايفها بعنيك، دخل اكرم الاوضه وانا قلبى نبضو بيزيد كل ما يقرب....
اكرم: صافى حببتى اصحى اى النوم ده كلو
صافى: اى يا اكرم لسه بدري سبنى انام
اكرم: لا قومى يلا بطلى كسل
صافى: خلاص قومت اهو
اكرم: تصدقى شكلك حلو وانتى قيمه من النوم
صافى: انت اللى عنيك حلوه
اكرم: هو اى السلسله دى يا صافى علطول لبساها مبتقلعيهاش خالص
صافى: دى كانت اخر هديه من بابا ليا قبل ما يموت عشان كده متعلقه بيها اوى
اكرم: الله يرحمو
صافى: الله يرحمه
"حاجه غريبه طبعا من حقكو تستغربو ازاى بقول الله يرحمه وانا اللى كنت قيلالكو أنى بكرهو اصلى مقلتلكوش انا شوفت ايه في الصندوق"
بعد اللى سمعته من حوار اكرم وسالم قررت اخلى اكرم يتعلق بيا مهما كان التمن....
_________________________
بعد مرور سنه وخلصت تالته ثانوى كنت عايزه ادخل كلية هندسه اكرم موافقش استغليت الموضوع وقلتله يفتحلى صالة العاب(الچم) بدل القعده فى البيت والملل اللى حسه بيه ده ولو وافق مش هطلب منو ادخل جامعة تانى اكرم وافق علطول لأنو مكنش عايزنى اكمل تعليمى عشان ميشفنيش فى مركز عالى ويبقا هو أعلى منى ديماً حتى فى التعليم بس كان بيتحجج انو خايف عليا وان وجودى معاه احسن وانى مش محتاجه حاجه بعد الثانوى بعد موافقة اكرم فتحلى الچم وكتبهولى واشترالى شقه بس كتبها بأسمو وانا اللى قلتلو يكتبها بأسمو،......
_____________________
بعد كام سنه واهتمامى بأكرم مقلش خليتو بيحبنى لدرجة انو مستحيل يستغنى عن وجودى معاه وفكرة بعدى عنو بقت كابوس بالنسبه له بس اهتميت جدا بالچم وبقيت فى كل يوم لاحظت وجود سالم كل يوم عندى فى الچم فى الاول كنت فكراه واخد تعليمات من اكرم وجى يراقبنى بس اكتشفت انو بيحاول يقرب منى واتأكدت لما طلب من اكرم انو يمسك ادارة الچم بحجة انى افضل تحت عنيهم استغليت الموضوع وابتديت اهتم جدا بشكلى ولبسى ومظهرى خليتو يتعلق بيا اكتر بطرق غير مباشره
لحد ماجه اسود يوم فى حياتى
________________________
جاتلي رسالة تهديد علي موبايلي نصها كالاتي " انا عارف كل اللي بينك وبين سالم ، عارف انك بتخوني جوزك معاه وعارف انك مبتحبيش جوزك لأسباب كتير، ومش هسكت"
فى اللحظه دي لقيت سالم بيكلمني وبيقولي انه جاتله رسالة زيها فى نفس الوقت ، وانه مش فاهم ايه اللي بيحصل ، احنا فعلا مكنش بيننا حاجه انا وسالم ، علاقتنا كانت بتتلخص انه بيساعدني فى الچم اللي انا فتحته عشان اديره لما حسيت بملل وزهقت من قعدة البيت ، بس سالم كان متوتر وقلقان ، اكرم مجنون ولو حاجه زي دي وصلته ممكن يقلب الدنيا ، اتفقنا ان سالم يجيلي الچم ، ولانه كان زحمه قلتله يطلعلي الشقه اللي فوق الچم ، دي شقه اكرم خدهالي تكون مكان فيه خصوصيه شويه وقريب من الچم فى نفس الوقت...
سالم وصل ودخل وانا مكنتش عارفه اقوله ايه ولا عارفه ارد ، ف الوقت ده جاله مسدج بتقوله
" للاسف وقعت ف المصيدة ،
دلوقتي اكرم هيدخل عليكوا ومش هتلحق تمشي ، وبالصور اللي بعتها ليه وانتوا مع بعض اعتقد انه هيصدق انك بتخونه ، وانت عارف اكرم ، معندكش حل تاني غير انك تقتله ، او هيخليك هو تتمني الموت"
ملحقش ياخد اي رد فعل ، اكرم دخل علينا الشقة ، كان لوحده عشان محدش يحب يتحط ف موقف زي ده ويتفضح وسط الناس ، كان باين عليه انه مشحون ، احنا مش فاهمين اي حاجه ، اكرم متهور لابعد درجة ومره واحده طلع مسدسه ، سالم مكنش قادر ياخد اي رد فعل حتى مسدسه اللى فى جنبه اللى مبيفرقوش ابدا محاولش يطلعو لقيت نفسى من غير تفكير ، بسحب المسدس انا من جمبو وبضرب اكرم
______________________
واكرم بيموت شفت فى عينه نظره غريبه جدا كأنو مش مصدق أن القطه اللى رباها وهى صغيره بقت بتعرف تخربش وتقتل كمان تصدقو قتلت
مكنتش عارفه انا هعمل كده ازاي بس حصل ، قفلنا الباب بسرعة ، سالم بصلي ومتكلمش ، الموقف كان اكبر مننا
مكنش عندي اجابه غير اني اقوله اني بحبه ، بحبه بجد بغض النظر عن حقيقة الرسايل دي ومكنش عندي استعداد اني اخسره عشان اكرم كان هيقتله فعلا
"بدون مقدمات لقتني بقوله لازم نخفيه ، فكرة وجوده معانا خطر علينا ، كنت عارفه ان سالم مش هيسيبني اتورط ، وانه هيتصرف لانها جزء من شغلته مع اكرم
وبالنسبة لانه ابن عمو وزى اخوه ، فهو عارف كويس ان اكرم كان هيقتلني ويقتله ، اكرم مبيفكرش ف المواقف اللي زي دي ، قالي متتحركيش من هنا ، ف خلال ساعه هكون خلصت كل حاجه ، بس لازم انزل من جراج العماره اللي ورا عشان انا مش عارف ايه مستخبي بره ومش عارف كمان
مين بيبعت رسايل لينا خلي بالك من نفسك.
قلتله سيب الموبايل معايا عشان لو وصلت رساله تانيه مش هتبقا فاضى تقراها طلاما هو بيبعتلنا احنا الاتنين
خرج سالم وخد الجثة معاه
ساعدته ننزله للجراج وطلعت الشقه ، وهو كان هياخده ف العربيه ويخفيه ف مكان محدش هيعرفه او محدش يعرف يثبت ان لينا علاقه بيه ، بس بعد نص ساعه" جاتلي رسالة من الرقم اللي بعتلنا قبل كده بتقولي...
"سالم اتقبض عليه امسحي كل حاجه واحرقي موبايل سالم ومش هنتقابل قبل ما يتحكم عليه مش هياخد اقل من اعدام " .
زرت سالم كذا مرة مكنش فاهم ايه اللى حصل وكان دايما متوتر ، قالي ان اكرم كان بيثق فيه ثقة عمياء وانه مش قادر يصدق ان كل ده يحصل لما زرته اخر مرة قالي انه لازم يهرب ، وانه مش هيفضل هنا ، بس حتي لما يهرب مش هيفضل فى مصر فى حد هيعمله ويعملي ورق ونسافر بيه برة مصر ومن هناك هيقدر يعرف كل حاجه حصلت ، انا وقتها قلقت واتوترت بس كان لازم اقوله اني معاه معنديش حل تاني ساعتها سالم قرر يبيعلي كل حاجه بالتوكيل عشان اقدر اصفيها واتصرف فيها ، قالي انه كده كده الشركات هتخسر وان من مصلحتنا نبيعها كلها ، مكنتش مستوعبة كل ده بس المحامي خلص كل حاجه وفعلا بيعنا كل الشركات علي امل
ان سالم يهرب من السجن ، بس يوم الحكم وصل بلاغ للشرطة من شخص اعتقد هو نفس الشخص اللي بلغ عن سالم ، بلغهم ان سالم بيحاول يهرب ووقتها العربيات اللي كانت هتهرب سالم اتعملها كمين واتمسكوا كلهم ، سالم ساعتها كان اتحكم عليه بالاعدام مكنش مهتم لانه كان عامل حسابه يهرب وللاسف كل حاجه باظت قرر وقتها يحاول يخفف الحكم مع المحامي بس الحكم كان منتهي ومفيش اي ثغرة يقدر يهرب منها ، انا من وقتها مزورتوش ، كل حاجه بقت ملكي وبيع الشركات والممتلكات جابت فلوس كتير جدا متخيلتش تبقي معايا ف يوم ، بس اعتقد اني استحق ده ، استحق اعيش حياة مع حد بحبه ويحبني ، حد كدة زي عصام....
_____________________
-صافى بتعملي ايه ياحبيبتي ؟
=مانت عارف ياعصام اني بحب الرسم بحاول ارجع ارسم تاني ، المهم احنا خلاص هنسافر ؟
-اه خلاص معاد الطيارة بكره الصبح ان شاء الله فاضل بالظبط 24 ساعه جهزي نفسك عشان مفيش فرصه اننا نتاخر علي اي حاجه بكره زي دلوقتي هيكون " عصام عز الدين" و " صافى سليمان" خارج حدود الوطن ومعاهم ثروة متقلش عن 30 مليون دولار ونرتاح بقي...
بس فى مشوار صغير كده هروحو وارجع
=مشوار ايه اللي هتروحه ياعصام احنا عملنا كل اللي احنا عايزينه عايز ايه تاني ؟
-متقلقيش مشوار مش هيقدم ولا هياخر ف حياتنا ، بس هيفرق معايا كتير اوى ، اجهزي ومتشغليش بالك ، كله هيبقي تمام وزي ماحنا عايزين
الزمان : الساعه 4 العصر
المكان : سجن(.........)
الحدث : زيارة " عصام عز الدين" لـ " سالم المهدى "
سالم : انت مين ؟
عصام : عارف يا سولم ، احسن حاجه هنا انهم عاملين حاجز بين المجرم واللي جاي يزوره عشان الامان وكده...
سالم: انا مش فاضي ومش رايق انت مين وجى هنا ليه ؟
عصام : وراك ايه يعني ؟ هتذاكر قبل الاعدام ، ولا دماغك هتفرقع عشان تعرف مين عمل فيك كده ؟ ولا صعبان عليك انك هتتعدم وانت برئ ومعملتش حاجه ؟
سالم : انت عرفت كل ده ازاي ؟ وعايز ايه مني ؟
عصام: هحكيلك كل حاجه ، بس ياريت متقاطعنيش عشان وقت الزياره فاضل فيه عشر دقايق وصدقني مش هحرمك انك تسمع اي معلومة ولو تافهه ...
انا عصام عز الدين عندى 27 سنة ، بحب الطب او تقدر تقول دكتور يعني عندي عياده ف مصر فى الزمالك وكنت ناجح جدا او كان عندي عياده وكنت ناجح الحقيقة قبل ما تجيلي بنت تكشف عندى هى وصحبتها بنت كانت جميلة جدا وعلقت معايا لدرجة ان نتيجة الكشف ممكن تطلع فى يومين وطلعتهالها بسرعه جدا ولما جت تاخد الكشف ادتلها الاتنين مع بعض دي كانت البدايه لو كنت اعرف ان الكشف ده هيوصلني لكده مكنتش عملته ولا كشفتلهاكنت هقتل تعلقى المفاجئ ده زي مانتوا قتلتوا كل حلم جوايا المهم البنت شكرتني يومها بالليل بعد ما روحت كنت مستني المسدج دي جدا منها
وبدأنا نتعرف ونتكلم ومقدرتش محبهاش هي كمان حبتني اوي ده ف نفس الوقت اللي حبها فيه اكرم زيدان عبد الكريم المهدى ، ابن عمك اللي كان فاكر انه يقدر يعمل كل حاجه بفلوسه بس كان معاه حق لما اتقدملها ورفضته فضل يراقبها ويضايقها ف كل مكان وطبعا مكنش صعب عليه يعرف مكاني وقتها قرر انه يتعامل معايا اني كلب من كلابه او اني حاجه ممكن يدوس عليها بسهولة ، عارف عمل ايه ؟ بعتك انت وكلابه وكسرتوا العياده علي دماغي ، يومها كنتو بتضربوني ضرب يعجزني يخليني مقدرش حتي احس باي حد مرة تانيه ، يخليني افهم اني اقل من اني احب ، واعيش زي بقيت الناس ، اظن دلوقتي افتكرتني ؟ اقولك... مش مهم تفتكر المهم ان انا اكمل واقولك كل حاجه...
دخلت ف غيبوبة وقتها وطبعا مفوقتش غير لما كان خلاص خد مني اللي انا اتمنيته كله ، وخد البنت اللي حبتها رغم فرق السن الكبير جدا اللى مبنهم ومن غير حتي ما تكون بتحبه ووقتها بس يا سالم قررت اني ليا حق عند عيلة المهدى وهاخده منكوا واحد واحد عارف ايه اللي سهل عليا كل ده ؟ صافى، صافى كانت لسه بتحبني
لما اتواصلت معاها لقيتها مش عايزاه ولسه فاكراني لسه عايزه تكمل اللي جاي معايا ومن هنا قررنا نبتدي ، قررنا نرتب كل اللي حصل ده كاالاتي....
_ صافى مدربة العاب ،
هتفتح صالة العاب لأنها حست بملل وزهقت من قعدة البيت وطبعا اخوك مش هيرفض طلب صغير زي ده ...
هتطلب كمان الشقه اللي فوق الچم يشتريها ليها باي سعر لانها ممكن تحتاج مكان يبقي ليها فيه شوية خصوصيه وهيتكتب باسم اكرم
لانها مش طمعانه لا سمح الله...
صالة الالعاب هو المكان اللي هروح
العب فيه وف نفس الوقت اتفق مع صافى علي كل حاجه من غير ما حد يشك ف اي حاجه ....
نسيت اشكرك لأن طمعك فى صافى سهل عليا الموضوع كتيرر ماانتو كلكو كلاب فى بعض
صورتك معاها ف كل مكان تروحوه خليتها تقرب منك وتهزك من جوا خليتك تبقي مهيأ انك تصدقها لما تقولك بحبك مش هتعملوا حاجه مع بعض بس لو حد شافكوا واتسخن شويه ممكن جدا يصدق كل ده...
مش صعب اوترك وابعتلك رسايل زي اللي بعتهالك وطبعا هبعتها لصافى عشان هي كمان تتوتر ووقتها لازم تتقابلوا سوا من غير ما تفكروا ، ف هتغلط وتبقي معاها ف شقه واحده...
ابن عمك متهور وبقا بيحبها بجنون تخيل لما يشوف صوركوا ويتقاله انك معاها ف الشقه اللي هي طلبت انه يشتريها ليها هيفهم ايه؟
لما هيدخل عليكوا انت لازم هتهديه بس صافى هتتصرف وتقتله هي وتاخد الدور ده وتقولك انها فعلا بتحبك وانها بتدافع عنك مفيش قدامك حل غير انك تصدق المواقف دي مبنستخدمش فيها عقلنا يا سولم خالص ...
طبعا لما هتتصرف ف الجثة انا دوري هييجي وهبلغ عنك...
وصافى هتقولك تسيب تلفونك معاها عشان لما تتمسك ميبقاش فى اى ادله على صافى شفت احنا عملين حساب لكل حاجه ازاى مش انتو بس اللى بتعرفو يا سولم
اظن باقي التفاصيل ممكن تكون عرفتها وربطت بينها بنفسك..
انا اللي عملت كل ده وانا اللي رتبت كل ده انتوا اللي عملتوا مني شر انتو اللى وصلتوني لكده عشان انتوا متعرفوش غير الشر فاكرين ان انتوا بس الاذكيا وان مفيش حد من حقه يعمل اي حاجه....
انا جيت عشان اشوف الصدمة دي بس وعشان اقولك ان القضية لابساك لابساك بالمناسبة انا معايا محامى وعارف كويس انا بعمل ايه ...
اخر حاجه حابب اقولهالك اني برضو كنت ورا بيع كل حاجه بالتوكيل بتاعك عشان بصراحه مش شايف ان انا ومراتي " صافى سليمان " هنقدر نكمل حياتنا هنا ف مصر ..بكره طيارتنا وبكره هنكون برة مصر كلها ومش هتقدر تثبت اي حاجه هتقولها لحد مهما كانت انا اسف يا سالم باشا ... بس دي اخرة انك تيجي علي حد وتاخد منه حياته وكل ما يملك ويتمنى ...
كان نفسي اخدلك صوره وانت فى القفص عشان اشفى بيها غليلى بس للأسف نسيت الموبايل في البيت...
مطار القاهره الدولي
علي جميع المسافرين علي الرحلة رقم 454 المتجهة الي امريكا التوجه نحو البوابه رقم4 والاستعداد للركوب علي متن الطائره مع تمنياتنا برحلة ممتعه
________________________
وصولى لامريكا بقا كابوس جديد بالنسبالى بعد نزولنا من الطياره
بشويه وفى طرقنا للفندق عصام
خبطتو عربيه وكأنها مقصوده
طبعاً انا كنت بموت وقتها او
فعلاً كانت روحي بتتسحب معاه
ازاى حبيبي اللى ملحقتش اعيش
معاه يسبنى كده الفكره بالنسبالى موت اصلا مش عارفه اعمل ايه عشان انقذو بس للأسف اغمى عليا
اتصلو بالأسعاف واخدونى انا وعصام بعد ما فوقت مكنش
على لسانى غير اسمو كأنى
مش مصدقه انى مش هشوفه
تانى انا كنت بحبه جدا كنت
متعلقه بيه اوى، او كان لازم
يبان قدام الناس كلها أنى
بحبو واننا جيين نقضى شهر
عسل وحبيبى مات واحنا
لسه معشناش مع بعض كان
لازم الكل يلاحظ زعلى ده
حتى لو كنت واخده اقراس
مهدئ قوى تخلينى انام او
يغمى عليا زى ما كان باينلهم،
بعد موت عصام بكام يوم
رجعت مصر طلعت على ڤلتى
علطول بعد نزولى من الطياره
مقابلتش اى حد لمدة يومين
عشت لوحدى تماماً ومكنتش
حاجه مديقانى بالعكس.... صحيت تانى يوم غيرت هدومى و قررت اخرج بعد اليومين دول كان لازم اطلع للشارع تانى مش هفضل
قعده لوحدى فى البيت كده علطول
قررت اروح لعمى "زيدان المهدى"
.... مفجأه صح ايوه انا اسمي"صافى سليمان المهدي"
___________________
ركبت عربيتى وفى طريقى لعمى
بعد وصولى لعمى حصل بنا حوار كالأتى: ....
زيدان: صافى حببتى وحشتينى اوى كده تسيبى عمك متسأليش عنه كل ده
صافى: معلش يا عمو كنت مشغوله شويه حتى بقالى فتره طويله مش عارفه افضى لنفسى
زيدان: انا اول ما الامن قالى صافى سليمان المهدي على باب الڤله فرحت اوى
صافى: اسمى صافى سليمان لو سمحت يا عمو
زيدان: خلاص يا حببتى برحتك زى ما انتي عايزه, اطلعى ريحى جسمك دلوقتى عشان
ترتاحى اعبال ما يجهز الغدا صافى: حاضر يا عمو نبقا نتكلم فى الجنينه بعد الغدا
زيدان: خلاص ماشى يا حبيبتي
____________________
اتغديت انا وعمى وقعدنا فى الجنينه مع بعض قولتلو سالم بيسلم عليك لقيتو اتوتر
وبان عليه جدا القلق
زيدان: بيسلم عليا ازاى مش
سالم اتعدم
صافى: انا شفتو فى الحلم وقالى سلميلى على زيدان وقوليلو كفايه اللى انت بتعملو عشان ميبقاش مصيرك زيي
زيدان: اللى أنا بعملو اى ايه الكلام الغريب ده
صافى: هو جالى فى المنام قالى كده بتسألنى انا ليه عمتاً انا مش هسامح ابدا اى حد اذانى
زيدان لاحظت عليه التوتر وهو بيقولى: ليه بس يا صافى اللى فات مات بقا واهو اتعدم
صافى: بس ازاى ياعمو يقتل اكرم
انا كنت بحبه اوى
زيدان: وانا كمان كنت بحبه الله يرحمك يا بنى
صافى: ده حتى بابا سليمان الله يرحمه كان بيحبو لدرجة انو
جوزنى ليه رغم فرق السن اللى بنا
زيدان: الله يرحمه ياحببتى مش نقفل بقا المواضيع دى
صافى: لا ياعمو مينفعش تتقفل انا لسه مخلصتش كلامى
قربت شويه منه وعلامات التوتر
والخوف بانت عليه قلتله بكل الألم اللى عشتو: ليه عملتو كده ليه ابويا عملكو اى عشان تعملو كده عشان تدمرو حياتى ليييييه عملتو كده
زيدان اتنفض: اهدى بس يا صافى مالك ياحببتى
صافى: حببتك انت اقذر واحد شفتو فى حياتى اقذر من ابنك
شيل وش الشرف اللى عملو عليا
ده انا اعرف كل حاجه انا اقدر
اوديك فى ستين داهيه
زيدان: فى اى يا صافى ط..ط..طب نتفاهم يمكن حد عايز يوقع العيله فى بعض
صافى: عيله هه انا معنديش عيله
انا معايا كل الاوراق بتاعتك كل
اللى تتخيلو واللى متتخيلوش
شايف التسجيل ده تحب تسمعو..
شششش ولا كلمه مش بمزاجك لازم تسمعو
-(انا سليمان المهدي انا عارف ياصافى انك فى يوم هتقدرى تفتحى الصندوق ده هو الصندوق الاسود بالنسبالى انا عايزك تسمحينى يابنتى لأن مكنش فى ايدى اعمل حاجه ركزى معايا دلوقتى ياصافى زيدان عمك تاجر كبير اوى بيتاجر فى الاسلحه والمخدرات والاعضاء زيدان اخد اختك "كريمان" مننا قتلوها وهى لسه مولوده عشان يبيعو اعضائها
زيدان ممكن يعمل اى حاجه عشان الفلوس انا اسف يا بنتى على اللى هتسمعيه ده بس لازم تعرفى كل حاجه زيدان اتفق مع رجالته تعمل كده وتموت امك وهى لسه فى المستشفى ولما دورت ورا الموضوع وعرفت كل حاجه قررو يقتلونى انا كمان انا حاولت احافظ عليكى عشان معنديش غيرك دلوقتى
هربت بيكى بس للأسف مقدرتش اقولك وقتها لأنك مكنتيش هتفهمى حاجه كنت خايف عليكى اوى
زيدان هددنى بيكى وقالى انه كده كده هيقتلنى وهيعرف يخدك
وهيكرهك فيا وهيقولك أن انا
اللى وافقت اجوزك اكرم بس كل
ده محصلش اكرم كان بيحبك
وعينو عليكى علطول انا خفت
جدا يعمل حاجه حاولت ابعدك عنو بأى طريقه بس للأسف مقدرتش
وصلولى وهما اكيد دلوقتى هيقتلونى عشان عرفت حجات كتير عنهم توديهم فى داهيه
الورق اللى عندك ده يجبلهم اعدام
انا عارف أن اكرم ممكن عشان بيحبك ميموتكيش ولو عشتى
هتسمعى الكلام ده انا اسف يا
بنتى هما اقوى منى مقدرتش
احميكى اوعى تصدقى عنى اى
كلمه انا اسف يا صافى...)
زيدان: سليمان كداب انتى بنتى يا صافى متتهوريش يا صاااااافى
______________________
ايوه قتلت عمى وقتلت سالم واكرم وقتلت عصام يمكن تشوفو عصام معملش حاجه عشان اقتلو بس يمكن لما احكيلكو تعرفو،....عصام
انا كنت مأمناله كنت بحبه بجد قبل ما نسافر امريكا قالى هروح مشوار صغير وراجع وبعد ما نزل نسى تلفونو عندى اتبعتتلو رساله فتحتها وقريت اللى فيها اتصدمت صدمت عمرى.....(اى يا عصام يا حبيبي انت بصراحه وحشتنى اتأخرت عليا اوى يابيبى، الحلوه اللى عندك كتبتلك الحاجه بأسمك ولا لسه ياعم ده انت لما اخدت اعضاء اختها مخدتش الوقت ده كلو....) مقدرتش اكمل الرساله قلبى كان هيقف جبت الصندوق وشفت الورق اللى فيه فعلاً لقيت عصام ماضى على عمليات استأصال الاعضاء بتاعت اختى مكنتش متوقعه انو يبقا شغال معاهم كل اللى دخلو حياتى ازبل من بعض انا فعلاً كنت كتبت لعصام نص ثروتى عشان ساعدنى كتير اخلص من اكرم وسالم، بعد ما رجع من المشوار بتاعو صبتلو عصير....
عصام: ده وقت عصير يا صافى مش عايز يا حبيبتي
صافى: لا عشان خاطري انت عارف أنى بقلق عليك اوى وانت شكلك
تعبان شويه اشربو بقا عشان خطرى ولا عايزنى اشرب لوحدى
عصام: حاضر يا صافى
صافى: ايوه كده يا حبيبي
_____________________
العصير اللى ادتهولو كان فى منوم قوى هو شربو وكان بيبتدى يدروخ استغليت الوقت ده وخليتو يمضيلى على تنازل عن ممتلكاتى اللى ادتهالو وبعد ما رجعتلى فلوسى تانى اتفقت مع واحد من الناس اللى بيتأجرو عشان يعملولك اللى انت متعرفش تعملو اتفقت معاه انو يقتل عصام اول ما نوصل امريكا وفعلا اللى فى دماغى كلو اتنفز من غير ماحد يشك فيا، هما اللى خلونى انتقم هما اللى عملو منى واحده بتكرهم خلونى انتقم منهم انتقمت لأختى وامى وابويا وانتقمت لنفسى كنت ممكن اخد الملفات اللى معايا اوديها للجهات المختصه وساعتها كان يمكن لما اشوفهم بيتعدمو ابقا مرتاحه بس حبيت اخد حقى بنفسى واعذبهم انا واخد كل فلوسهم بس للأسف كنت بحفر قبرى بنفسى بابا معملهمش حاجه لأنو كان خايف عليا وقرر انو يبقا شريف كنت عايزه اخد كل حاجه بس خسرت كل حاجه....
عمر ماكان ظلمك وافتراك هيعالج احساسك بالظلم كل اللى هيعملو انو هيخليك انت كمان ظالم
عمر الظلم ماهيتحول لعدل لمجرد ان الظالم كان فى يوم من الايام مظلوم....
يمكن كنت هبقا سعيده اكتر لو حافظت على قلبي صافى
جيت انتقم من اللى ظلمونى ظلمت نفسي
 "كل بنت بتتمنى اب حنين وديما بتلاقى البنت بتحب ابوها بس انا مش زيهم ان…){kind=link}
تعليقات
إرسال تعليق
اكتب تعليق لتشجيعنا