بقلم شيرين محمد - من قصص اعضاء زي الكتاب ما قال
حگكاوي ليالي الحظر الحزينه
-يالي حبيبك قاسي وسابك وسط عذابك ااااه
=مالك يا خطيبة الندامة انتي بتصوتي ليه.....
-هووووس اسكت يا خاين
=خاين!!! وخونتك امتي انا....
-ما انت لو مهتم كنت عرفت
=هرمونات نكد دي قولي قولي اه متتكسفيش
-تجيب لسيلا غزل البنات وانا لاء يا خاين وهي تيجي تغظني بتحبها اكتر صح قول صح قول
=حبيبتي ركزي معايا كدا عشان هتشليني قريب سيلا دي تبقي مين هاا قوليلي كدا
-بنت اختك الاوزعه الوليه اللي عندها 3سنين...
=طب اديكي يا روحي قولتيها بنت اختي وصغيره متعمليش عقلك بعقلها
-لا بس جت تغظني بغزل البنات وتقولي يودي جابلي غزل البنات وتطلعلي لسانها نينيننينيني
=هههههه طب معلش هجبلك غزل البنات ولا تزعلي
-اياد انت مابتضحكنيش ليه زي ما ابو هشيمة بيضحك ياسمين
=ايه!!!
-عمرك قولتلي ياسمينتي
=حبيبتي انتي اسمك شيرين مش ياسمين اصلا فوقي
-اه صح تصدق
=حمد الله علي سلامة الذاكرة يا روحي
-طلعت روحك روح هاتلي غزل البنات عشان الولية ام بدوي اللي اسمها سيلا دي قعدت تغيظني..
=طب احترميني شويه دا الشهر الجاي كتب الكتاب وهبقي جوزك قرة عينك
-لا دور سي السيد دا لا يا حبيبي واللي عاشت ملكة مش هتعيش وصيفة يا حبيبي والله اسيبلك الفرح واهرب انا بقولك اهو...
=تهربي ايه بال7جنيه ونص اللي حيلتك يختي اتلهي
-كذبت عشرة جنيه مش 7ونص وقوم يلا جيبلي كريب
=ما كان غزل بنات من شوية
-جوعت يا فوزي الله
=حبيبتي انا ساعات بحس انك بتحبي الاكل اكتر مني صح؟!
-ايه السؤال دا يا اياد مفيش مقارنه طبعا هختار الاكل و دا سؤال
=حسبي الله انا مش عارف خاطبك علي ايه يا ام لسانين انتي ولا بحبك ليه
-عشان انا قمر يا بابا قمر
=قمر بالستر يختي امال لو مكنتيش 155سنتي تتك نيله يا اوزعه
-طب يا اياد مضطرة افسخ الخطوبة لانك وصفتني بالاوزعه وهذا غير لائق الغي رحلتشي
=تفسخي ايه يختي سمعيني كدا
-بقول عاوزه اكل فسيخ اوعي تكون سمعتها افسخ الخطوبة وكدا لا محصلش توء توء
=اه بحسب
-قفوش انت اوي
= بحب مجنونه
-متشكرين يا رجولة
=هههههه ونبي ايه
-عارف يا اياد انا وافقت عليك ليه
=ليه يختي عشان قمر صح
-لا خالص عشان ضحكتك بس
=يشيخة ههههههه
-يختي قمر
=ايه!
-ايه!!!!
#اياد_شري😂🖤🎻
#يالي حبيبك قاسي وسابك وسط عذابك ااااه😂🖤🎻
#خطيبة_الندامة😂🖤🎻
#حگكاوي ليالي الحظر الحزينه 😂🖤
#شيرين_محمد 🖤🎻
تعليقات
إرسال تعليق
اكتب تعليق لتشجيعنا