بقلم آيه_مصطفى - من قصص اعضاء زي الكتاب ما قال
-يا ماما يلا هنتأخر ع التراويح =يابنتي الآذان لسه مأذنش أستني بشيل مكان الفطار، أنتي لبستي إمتى أصلا يا قردة -يا ماما شيليه بسرعه وبعدين لبست أول ما خلصت، وعايزين نلحق صف أووول =يا أروى هنلحق بقى متصدعينيش -طب يلا بقى صوت الشيخ بيبقى حلو أوي =ممشتيش مع أحمد أخوكي وأبوكي ليييه -لا يا مامتي أنا بحبك أنتي =طب يلا يا آخرة صبري إلبسي نقابك وهننزل -ماما أنا لابساه إنتي إللي روحي إلبسي بقى =خلصت يا آخرة صبري يلا -يلا يا ماما بحب أصلي في أول صف =طب قرآتي الورد بتاعك يا حلوة -آكييييد =بارك الله فيكي يا حبيبتي يلا -هيا بنا ......... -يلا يا أروى أنزلي لباباكي وأخوكي مستنيين تحت =حاضر يا ماما ........ =إيه ياض يا احمد ياض فين بابي ••ياض وبابي، روحي يا أروى الله يسهلك =ياعم أنجز أنا كوكتيل اه اه ••بابا لسه جوا واقف مع إمام المسجد =أبو صوت حلو ••نعم يختي =هه لا مش قصدي استغفر الله طبعا بس هو صغير ولا كبير في السن اكيد اللي يطلع العظمه دي والترتيل دا يبقى 60سنه مثلا ••25سنه يا أروى =قول والله ••هكدب ليه يبنتي =اللهم بارك، صوته عظمة ••العظمة لله يستي ها خلصتي مدح =إيه يا حمودي مالك قفوش كده ليه ••طب يلا نروح شكلهم هيأخروا ومش هينفع نقف كده =تمام يلا ••يلا يا قرده دا منظر واحده عندها عشرين سنه داا =مش عاجبك ولا مش عاجبك ••عاجبني ونص انا اقدر أنطق =شطور ياقلب أختك يلا بقى هاتلي شيبسي وآيس كريم ••هتخربي بيتي أنتي =هاا ولا أخليك آنت إللي تجهز السحور إنهارده ••لا أنا مش فاضي أنا =رايح فين ياعم ••ليوسف =دا مين دا ••من أمتى بتعرفي صحابي ها، وبعدين دا إمام المسجد ياختي =بجد! ••أنا أشتريتلك اللي انتي عايزاه روحي إطلعي بقى وقولي لماما إني هاجي ع السحور أنا عرفت بابا =هعديهالك المرادي واخد بالك إنت ••واخد واخد إمشي بقى ....... الأب: أروى أعمليلي شاي =حاضر يا بابتي الأب: نفسي تقولي بابا مرة عدل ههههه =لا مقدرش أتجنن الأب: ع أساس كده مش مجنونة =خد ياحج الشاي أهو وأنا هروح لرواياتي ولا حد يقولي بتغلطي في أسمي ولا حاجه الأب: يابت أقعدي معايا شويه مامتك مشغولة في حلويات رمضان =هههه ما أنت عارفها لازم توزع ع الجيران كلهم الأم: مسمعاكوا ع فكراااه الأب: أنا متكلمتش =ولا أنا يا ماماا الأم: يبقى أنا اللي أتكلمت الأب: هههه أنتي الخير والبركة ياحبيبتي الأم: كل بعقلي حلاوة بقى =أحم أحم نحن هنا، أتأخرت إنهارده ليه يا بابا الأب: والله يابنتي كنت واقف مع الشيخ يوسف ولد ما شاء الله عليه يا أم آحمد عنده25سنه واللهم بارك إمان المسجد من سنتين و.. =آه يا بابا فعلا أول مره أسمع الصوت دا كان السنة اللي فاتت في رمضان ودي السنة التانيه الأب: أنتي متابعه بقى يازقرده =الصوت إبداع فعلا الأب: وبس ياستي بيصرف على أمه وأخته وبيدور على عروسة الأم: ربنا يرزقه بإذن الله هو شكله بني آدم محترم كنت شوفته مره مع أحمد =طيب أستأذن انا بقى القاعده قلبت مدح في أستاذ يوسف الاب: أمشي يابت من هنا =تشكر ياحج ....... دخلت أروى إلى غرفتها ثم فتحت مدونتها لتدون الآتي "أيمكن للمرء أن يعشق من صوتٍ عذب! تالله أن قلبي عفيف وينتظر إذنك يا الله، فلا تأذن له بحبٍ غيرَ مقدر، فاللهم عفيفٍ کـ يوسف نبي الله" ...... أحمد: بابا يوسف عايز ييجي إنهارده بعد التروايح الأب: ليه يا أحمد الأم: خير إن شاء الله أروى: ليه ليه ها أحمد: أدوني فرصه ياقوم أنا صايم وتعبان أروى: إنطق بقى احمد: عايز يتقدم لـ أروى أووى: إيييه الأب: وهو عرف أروى منين أحمد: هو عارف أن عندي أخت وكان مستني أخته تتخطب الأول وبعدين يفكر هو في نفسه وفعلا أخته إتخطبت وهو قالي إمبارح وأنا معاه الأب: ينور يابني ........ جاء يوسف للرؤية الشرعية حتى تسنح له فرصة التقدم لخطبة أروى دخلت أروى مع أبيها وجلس الجميع بعيدا بعض الشئ و... يوسف: أحم أزيك يا آنسه أروى =بخير الحمد لله يوسف: أنا هعرف نفسي علطول، أنا يوسف عندي 25 سنة وإمام مسجد ومدرس في مدرسة أزهرية ثانوية بنين حافظ القرآن وبصلي الحمد لله أروى: ليه أنا؟ يوسف: مقدرش أجاوبك عليها بعدين بس أتمنى توافقي أروى: إللي فيه الخير يقدمه ربنا، عن إذنك ........ إنتهت الرؤية الشرعية وإنتهى الموعد المحدد للرد على يوسف وآتاه بالموافقة، واليوم هو كتب الكتاب .... °°أروى أنا مش قادر أصدق نفسي حقيقي أنتي إنهارده مراتي =بس أهدى كده يابو الصحاب وجاوب ع سؤالي إنشالله تكون فاكر °°مقدر أنسى حرف بتقوليه أصلا، أنا يستي جيتلك أنتي ليه وهو لأني ببساطة بحبك شوفتي سهله ازاي =إيه ياعم هو إنت شوفتني غير في الرؤية وإنهارده "أقصد دون النقاب" °°لا يستي من خمس سنين =إيه ازاي °°مفيش عيله عندها 15سنه ماشيه في الشارع بخمارها الفيروزي وتقريبا مروحه من درس خطفت قلبي وحتى غض البصر مقدرش عليها =دي أنا °°لا خيالك ما تصحصحي معايا كده =دا بجد °°آه والله ومن يومها خدت عهد قدام ربنا أني مصليش فرض غير وأدعي أنك تكوني نصيبي =يا الله أنا كمان حبيتك من سنة °°أوعي تقولي شوفتيني =أول مره أشوفك كانت في الرؤية ياعم °°فصيله أوي بس أزاي بردو =من صوتك أنا بصلي في المسجد وصوتك أغواني يابيه °°أووه طلعت لا أقاوم =خد بإيدي للجنة °°مع بعض لآخر نفس "أيُعشق المرء لصوته" "أردته عفيفٌ کـ نبي الله يوسف" "أحببتُه يوسفيًا" "قد ذاب قلبي بحبِ صوتٍ خاشعٍ" "مابال الحب الحلال، له طابع بالقلب ككل شئ وردي بالحياه" #زي_الكتاب_ما_قال #آيه_مصطفى
تعليقات
إرسال تعليق
اكتب تعليق لتشجيعنا