الكاتبة إسراء محمود عثمان في ضيافة مجلة زي الكتاب ما قال مع الصحفية حمدية عبدالهادي
إسراء محمود عثمان ، بنت الجيزة ، صاحبة 15 عام ، معروفة في وسط الكتابة باسم "روز Rose" حطمت عائق السن بصغر سنها استطاعت أن تخطو نحو النجاح بعدة مشاركات أدبية " نبعث بأحرفنا ،رسائل لن تصل أبدا، هواجس بين السطور ،حبر أقلام " لقطع شوط نحو الروائية ، ومازالت علي عهد بالنجاح . -امتي بدأتي في مجال الكتابة؟ = اكتشفت الموهبة في شهر 6/2020 وبدأت أنميها 2021/1/1 والتاريخ دا كان بداية نجاحي في جميع مجالاتي. - ايه أهم أعمالك؟ = شاركت في كتاب نبعث بأحرُفنا وكتاب رسائل لن تصل أبدًا وكتاب هواجس بين السطور وكتاب حبر أقلام - شايفة إنك قدرتي توصلي لحاجة في الوقت دا ؟ = جدًا، أنا حاليًا بقيت معروفة في الوسط بإسم "Røše" واتحسنت جدًا بقيت مصممة، وليدر مصححين ومدققه لغويًا، وفي الكتابة بقى عندي رومات نشر خاصة بيا وبقيت بكتب شعر ومقالات وتفوقت في الخواطر وحصلت اكثر من مره على الكاتبة المثالية، واتكرمت أكثر من مره وليا جرايد بتنشر كتاباتي وحاليًا موجد جزء منها على جوجل. بالاضافة أنا ليدر ومسؤلة عن كذا حد بدربة. -ايه نوع الكتب الا بتفضلي تقرأيها؟ =عِلم نفس علشان بحبه جدًا و بستفاد منه في حياتي وبساعد بي الناس كحل مشاكل وكدا وبحب كتب الفانتازيا والروايات الرومانسية. -هل بتشوفي أن السوشيال ميديا فتحت الطريق قدام مواهب كتير ؟ =آيوة، بس في نفس الوقت مش هي العامل الاساسي هي مجرد بداية لتشجعنا، فمينفعش نعتمد عليها اعتماد اساسي لا لازم نتطور من نفسنا ونبدأ نعمل كتب ورقي تبقى هي البداية الحقيقة لينا ولشهرتنا. -إيه أكتر نوع بتشوفي نفسك شاطرة في الكتابة فيه ؟ =كلو، من اسكربتات لشعر لمقالات بس الخواطر أكتر حاجة. -مين هو كاتبك المفضل ؟ =د.أحمد خالد توفيق ود.حنان لاشين وغيرهم كتير - ازاي تقدري تنمي موهبتك في الكتابة؟ =بالقراءة المستمرة والتطوير وحبي لشيء إللي بعمله، وتخصيص مدة معينة للكتابة. - وايه رأيك في الكتب الا نزلت المعرض السنة دي؟ =أكيد مقرأتهاش كلها بس بعضها يستحق فعلًا. - تفتكري في المستقبل الكتب الورقية هيحصل فيها انقراض ، وهيبقي الاعتماد علي الإلكتروني فقط؟ = معتقدش، علشان احنا لحد دلوقتي بنعتمد على كتب من ألاف السنين، وهيفضل في ناس بتحب القراءة من الكتب الورقية أكتر من الإلكترونية وبيشفوها الأفضل. - ايه الا ممكن يموت شغفك بالكتابة ؟ =إني أحسن أن مفيش تشجيع وأن مفيش حد منتظر مني الجديد. - هل للتعليقات السلبية تأثير عليك؟ =شوية، بس بخليها دافع بنسبة ليا وبشتغل اكتر على نفسي هلشان اثبتلهم العكس.
- ايه القيود الا بتتفرض علي الكتاب في بدايتهم ؟ =موجهنيش قيود، بس يمكن إحنا إللي بنعمل لنفسنا القيود دي، إللي هو بنسأل نفسنا، أنا إزاي هوصل وهتعرف من مابين الكتاب دول كلهم؟. - هل لكي أسلوب خاص أم تستمدي أسلوبك من كتابك المفضلين؟ =لا بحاول يبقى ليا اسلوبي الخاص علشان في المستقبل يعرفوا مين كتب الكلام دا من غير ما يقرؤا الإسم، بس بردو بتعلم من الكتب دي وباخد منها إللى ممكن يفيدني بهدف التطوير. - هل الكاتب حر في كتابة آراءه في شتي المجالات أم ما زالت هناك قيود عليه؟ =نعم حر فيما يكتب، ولكن يجب أن يكن رأيه مأخذًا من أماكن موثقة، فهو ملزم بأن يكتب ما يوافق رأيه ورأي الأغلبية من الناس لن القارئ هو الداعم الأول لنا فما علينا أن نفعل سوى أن نوصل له رأينه ورأيه في أن واحد وهذا المزيج لا يقدر على فعله إلا الكاتب المحترف. - كيف تري إسراء محمود مستقبلها في هذا المجال ؟ =هذا يعتمد على قوتها فهل ستصمد أمام تلك الكلمات المخزية؟ أم ستحاول أن تثبت لهم العكس؟ ولكن أتمنى أن أظل هكذا أحب هذا المجال وأحب إبداعي وواثقة بهِ. -من هو أكبر داعم لك ؟ = نفسي، ثم أصدقائي المقربين، ومأخرًا أصبحت أمي تدعمني. -وايه هو السبب الا ممكن يبعدك عن المجال؟ = انشغالي في دراستي وهدفي الأساسي، وهذا ما لا أتمناه. - ماهي طموحك للمستقبل عامة؟
=أنا طموحة بشكل فاق الخيال، خططي نحو المستقبل لن استطيع وصفها بكلمات بل سأنتظر مرور الأعوام لكي تروها أنتم بأعينكم وهذا واثقة منه، فأريدُ أن أصبح من أكبر كتاب مصر ولي أكثر من كتاب في معرض الكتاب الدولي ولي أكثر من رواية، وأريدُ أن أسيرُ نحو حلمي وهدفي منذ الصغر وهو بأن أُصبح B.w، وأن أظل أمارس الرياضة بشكل مستمر، وأن أكون مصححة ومصممة محترفة، وبأن أكن نمزجًا صالحًا وقدوة للبنات. - هل الخبرة في مجال الكتابة بالقراءة أم بالتجارب ونشر كتاباتك؟ =الاتنين - هل استمتعتي بالحوار؟ = جدا جدا.
تعليقات
إرسال تعليق
اكتب تعليق لتشجيعنا