كيف تطور نفسك في مجال الكتابه - ازاي تحسن من مستواك في كتابه الشعر، الاسكريبت، القصص القصيرة

الكاتبة اية عرابي في ضيافة الصحفية حمدية عبدالهادي ولقاء خاص لمجلة زي لكتاب ما قال

 

أية عرابي: بنت بني سويف ١٨سنة .
من وحي المجتمع خلقت جمالية الكلمات ،فبرع في وصفها الكتاب ،لنري إبداع في مختلف الأنواع ما بين خاطرة وقصة ومقال ، تتهادي ألحان الألفاظ لتشرق شمس العبارات مشعة في صفحة بيضاء ،لتخرج لنا أطباء الخيال محلقين في سماء وحي الأقلام ، هذا هو صنيع الكتَّاب ومن بين ثنايا تلك الأفكار خرجت الكتابة "أية عرابي " معلنة عن بعض مكنونات ما يعتلي قلب وعقل مجتمع زاخر بالأسرار.

- متي بدأتي في الكتابة ؟ = من سنتين تقريبا . -وإي هو النوع الا بتتميزي في الكتابة فيه؟ = المقالات الخاصة بعلم النفس والاجتماع. -منذ متي انضممتي لجروب زي الكتاب ما قال؟ =من وقت ما اتأسس. - وهل استفدتي من الانضمام إليه؟ =اه طبعا، حاجات كتير و أهمها معرفتكم، سواء أستاذ محمد حداد أو إنتي أو دعاء وغيركم كتير. - هل بتكتبي مقالات فقط أم أنواع أخري؟ =لا بكتب خواطر واسكريبتات بس اللي بارعة فيه الخواطر - هل في نية في نشر كتابك الخاص؟ = كتابي جاهز ومصحح وكنت أتمني جدًا أني انشروا السنة الجايه فالمعرض، بس بعد ما دخلت تجربة الدروس بتاع تالته ثانوي عرفت إن أقل حاجه هتضيع مني هتضيع المنهج كلوا فأخدت قرار إني هنزلوا 2023 بإذن الله -خواطر أم رواية =مقالي - هل بتواجهك مشاكل فى نشر كتاباتك بأنواعها؟ = لا طبعا، بنشر فكذا مكان وبلاقي إقبال كويس جدا من القُراء. - وهل بتلاقي تشجيع من العائلة أم تصدي لموهبتك؟ =لا طبعًا، لو اتكلمت عن مصدر دعمي فهيكون من عائلتي -طب إيه هو النوع الا حاسة أنك محتاجة تطوري نفسك فيه؟ =المقالات، رغم أن كتابي هيكون مقالي ومحدش قراء أي صفحة فيه بس أكيد هتكون بداية مبهجه بإذن الله - هل برأيك النشر الإلكتروني أفضل وأسرع في وصول الكتاب إلي الجمهور أم العكس؟ = هو كويس اه، لكنه مش الأفضل - إيه هي طموحك للعام القادم؟ = أدخل هندسة أولا وبعد كدا كلوا هيبقي سهل -وفي مجال الكتابة؟ = أنزل كتابي - ومين مثلك الأعلي فى الكتابة =د. أحمد خالد توفيق -إيه هي الصفات الا لازم تتوفر فى الكاتب؟ = الصبر والدقة والأناقة - لو فى شكر هتوجيه لمين =لوالدتي ووالدي وبس -النجاح بالنسبة ليكي ايه؟

= هو إنك يبقي ليك اسم فكل مكان سواء كنت كاتب أو غيرو، إنك تمشي فخور بنفسك حتي لو ملكش إنجازات فدا بالنسبالي نجاح - وايه الا ممكن يخليكي تفتخري بنفسك ؟ = أنا أصلا فخورة بنفسي، والسبب الوحيد هو أني آيه عرابي مش أكتر. -يعني بالنسبة ليكي الفخر يكفيه الاسم إن كان أهلا له أو نقدر نسميها ثقة. - إي هي طرق الدعم الا ممكن تدفع أيه عرابي للأمام؟ = إن الناس تؤمن بيا وبحلمي مش أكتر. -لو فى يوم حسيتي بقلة الدعم هتتوقفي أم هتستمري؟ -مبسميهوش توقف، دي بتكون فترة راحة. - هل الكاتب مطالب بنقل الواقع؟ =لا، كل ما تكتب واقعي كل ما هتلاقي إنتباه ليك من الناس -هل أيه عرابي بتنقل واقعها في كتابتها أم بتتقمصي واقع شخصيات أخري؟ = ولا واقعي ولا واقع شخصيات تانيه، كتباتي ما هي إلا خواطر بتطرأ علي بالي مش اكتر. -وفي النهاية هل استمتعتي بالحوار؟ = جدًا