الطبيب والشاعر محمد كمال الدين يس في حواره مع مجلة زي الكتاب ما قال عن ديوانه - يوما ستجمعنا الأقدار-
طبيب وشاعر في نفس الوقت- الاسم: محمد كمال الدين يس
من محافظة بني سويف 32 عام مغرم بالشعر الفصحى
كان لمجلة زي الكتاب ما قال لقاء مع الشاعر محمد كمال في حديث عن موهبته وديوانه بالفصحى ( يوما ستجمعنا الأقدار)
بعد التحية /
-دكتور محمد هل ديوان يوما ستجمعنا الأقدار ده اول عمل تشارك بيه في معرض القاهرة لللكتاب؟
= نعم أول عمل ينشر كاملا ورقيا.
-من امته بتكتب شعر؟
=من أيام الكلية و لكن انقطعت فترة طويله بعد الكلية لما بدأت حياتي العملية تاخدني شوية مع بداية فترة التخصص والنبطشيات الكتير لكن رجعت تانى بقوة من سنتين
-مين اكتر حد بتحب تقراله او اتعلمت منه شعر؟
=بحب كل شعراء الفصحى المتميزين:
من القدامى: عنترة و المتنبي ومجنون ليلى و ابن الفارض
و العصر الحديث: أحمد شوقي وحافظ إبراهيم و ابراهيم ناجي و البارودي و نزار قباني
و من المعاصرين اتابع الكثير منهم على سبيل المثال: عمر هزاع و محمد حسن و حذيفة العرجي و تميم البرغوثي و خالد سعد و مصطفى مطر و على عمران وعلاء جانب
و سدرة محمد و صفاء عابدين و سلوى الجربا و شيماء يوسف و أسماء طلعت وغيرهم وغيرهن الكثير
-طيب ممكن تقولنا بعض من كتابتك في الشعر الفصحى؟
=طبعا:
شِدِّي غطاءَ الـمـطـمَـئِـنِّ و نــامــي
لا تفتحي بــابًـــا مــن الأوهـــام ِ
لا تسألي عن أيِّ أنثى هـا هُــنــا
لا تسألي عـن كــثـرةِ الأرقــــام ِ
كــلُّ الــنســاءِ إذا وُزِنَّ بـ كِـــفَّــةٍ
رَجَحَتْ بكِ الأُخرى..عليكِ سلامي
وكمان كتبت:
يا ربُّ دنيايَ أغْرَتني بفتنَتِها
و لستُ يوسفَ إذ همَّتْ فما لانا
فاصرفْ إلهيَ عني كيدَها كرَماً
و املأْ فؤاديَ يا اللهُ إيمانا
هذي بضاعتيَ المزجاةُ جئتُ بها
فاقبلْ إلهي و أَوفِ الكيلَ إحسانا
-اللهم امين - احسنت
-مين اكتر حد بيدعمك في موهبة الشعر وديما جنبك؟
=أستاذ اللغة العربية في الثانوية العامة أ خالد عز الدين...
أسرتي بالكامل...
أصدقائي المتذوقون للغة والشعر...
بعض الشعراء الكبار ممن ذكرتهم منذ قليل....
-طيب بحكم خبرتك لو حد حابب يبدأ يكتب ديوان تنصحه يبدأ ازاي؟
= نصيحتي الأهم على الإطلاق هى ألا يتسرع في النشر و أن يراجع شعره مع من يثق في علمه و فهمه للشعر و أمانته في النقد
لأن أغلب الشعر في البداية بيكون بدائي وسطحى جدااا ومجرد كلام فيه بعض الوزن والقافية بدون حس ولا بلاغة ولا صور جمالية
فلو نشر ده هيكون زى الي رمى نفسه في النار و حرق نفسه كشاعر
-ما هو نوع الشعر بتلاقي نفسك فيه؟
=الغزل زى معظم الشعراء
-نفسك توصل لايه في الشعر احلامك اللي عايز تحققها بموهبتك الشعريه؟
=على المستوى العام : إني أكون سبب و وسيلة لعودة الناس لحب الشعر عامة و الفصحى خاصة بكلمات وأشعار فصيحة غير مبتذلة ولا معقدة
و على المستوى الشخصي: أن أكون شاعرا مهماً معروفاً يشار إليه بالبنان بجودة ما أكتبه
-ربنا يحقق احلامك يا رب
-هل الشعر والموهبة بياخد من وقت عملك ويشغلك احيانا عن وظيفتك؟
=لا الشعر مش مأثر اطلاقا على شغلي ووظيفتي
لكن المشكله انى لما أدخل في مود الكتابة و اندمج ببقى في عالم تانى خالص
-هل كتاباتك للشعر بتكون في وقت معين ؟
=مفيش شاعر في العالم. بيخصص وقت لكتابة الشعر... لأن شيطان الشعر بيزورنا في اى وقت بدون معاد سابق
-طيب في النهاية حابب تقول حاجه ونصيحة للشباب؟
=النصيحة الأولى : لازم تقرا كتير جدااا في مجال موهبتك
والثانية :لازم يكون ليك مرجع كبير و حد ثقة بترجعلو في تقييمك
والثالثة: لا تتسرع في النشر.
سعدت جدا بلقائي مع حضرتك ونتمنالك دوام التقدم والنجاح
يمكنكم متابعة الشاعر من هنا محمد كمال
تقديم واعداد محمد حداد
تعليقات
إرسال تعليق
اكتب تعليق لتشجيعنا