كاتب رواية -مشنقة ابليس- محمد ابراهيم حجاج في لقاء صحفي مع مجلة زي الكتاب ما قال
كاتبنا اليوم كاتب من مواليد السعودية ولكنه مصري نشا في محافظة المنوفية عمره 23 عاما كانت نظرة والده لكتاباته انها ليست لها قيمة وانما هي هراء في وقت الفضاء ولكن سرعان ما تحولت الي ايمان بابنه وكتاباته بعد قراءة اول عمل له
كاتبنا اليوم صاحب رواية( مشنقة ابليس) الكاتب والروائي/ محمد إبراهيم حجاج- خريج هندسة اتصالات 2020
بعد التحية:-
-استاذ محمد مين اول حد كان بيشجعك تكتب ؟
=اول حد شجعني كانت أمي وأختي
أبويا كانت في البداية بيبص ليا فى الحته دي بنظرة انت بتكتب اي هبل بس علشان متضايق أو ما شابه ذلك
بس لما جه وقرأ اول عمل ليا بص في عيني وكأنه بيقولي انا ظلمتك
كمل يابني ربنا يوفقك وكان بيدعمني وكذلك اصحابي سواء القدامى أو الجداد
طبعا بدون ذكر اسماء لاني مهما ذكرت اسماء مش هيخلصوا.
-هل كانت رواية مشنقة ابليس اول عمل ليك؟
= رواية مشنقة إبليس مش اول عمل أكتبه لا
هي اول عمل يظهر للنور
حقيقة اول عمل أكتبه اسمه
رواية (يا ليتني كنت قطا)
بتمني من الله أن أكون عند حسن ظن الناس بيا والله الموفق والمعين
- ممكن تقولنا نبذة بسيطة عن الرواية؟
=الرواية بتدورر أحداثه عن رحلة الي مشنقة إبليس وكرهه للإنسان ومحاولة جذبه للبشر وبعديها الي عالم سامتتا واكتشاف انه يحمل دم فاسد
-طيب مين اكتر حد بتحب تقرأ ليه؟
=اكتر حد بحب اقرأ ليه الكاتب الكبير واللي بعتبره ابويا التاني
محمود عباس العقاد
-ايه اكتر روايه او كتاب عجبك من كتاباته؟
=اكتر كتاب عجبني هو كتاب سارة
-هل في كتاب تاني بتحب تقرالهم؟
او في كتاب أثروا في شخصيتك بكتاباتهم؟
=عامة اول حد أثر في شخصيتي هو محمود عباس العقاد
وبعديه علطوول الكاتب
يوسف أدريس وكتاب تانية كتير بقي
طه حسين
الجندي
وكتاب كتيييراوي
-ما شاء الله متأثر بكتاب الزمن الجميل
=أيوة وده افضل شيء لان كتاب زمان دول الأصل بتاع اللغة وده اللي خلاني احبهم
-وفي الجيل الحالي او الحديث هل في اخد جذب انتباهك؟
= الجيل الحالي فيه
د. احمد خالد توفيق الله يرحمه في المقدمة
د. عمرو عبد الحميد
د. احمد خالد مصطفى
ا. احمد مراد
ا. احمد يونس
ا. احمد الشقيري وغيرهم برضه
-ما شاء الله حقيقي فكرك عالي واختيارك راقي جدا وبيوضح نضوجك
=الله يخليك
-ايه احلامك اللي نفسك تحققها الفتره القادمة؟
=كمستقبل في الشغل:
نفسي ربنا يرزقني بالوظيفة الثابتة والمحترم اللي اكون كويس فيها وتطور من نفسي فيها
=أما كتأليف:
نفسي ابقي كاتب كبير مشهور
كبير ومشهور مش بمعني فلوس لا خالص بمعني مشهور بأسلوبه وروايات الكويسة اللي بتوصل للناس
بتوصلهم للقلب مش العقل بس
ربنا يحقق احلامك يا رب
اللهم آمين ولك بالمثل يارب 🌷 🌷 🌷 🌷
-طيب في نهاية اللقاء حابب توجه نصيحة للشباب اللي في بداية طريقهم؟
او اللي لسه مبتدئين في الكتابة.
=أكيد نصيحتي للشباب:
البداية مثابرة
البداية مجرد اول صعود لك فلا تجزع من قبة نجاحك
علي الأقل ان يمدحك احد لانه يري فيك شيئا جميلا افضل من أن يمدحك الكثير مجاملة اوعطفا
الصبر ثم الصبر ثم الصبر والعمل به يتحقق الأفضل
-سعدت جدا بحوارى مع شخصية مثقفة ومتفتحة مثل حضرتك.
أنا اسعد والله.
تعليقات
إرسال تعليق
اكتب تعليق لتشجيعنا