كيف أستعيد شغفي في الكتابة؟- ازاي أرجع اكتب من تاني؟! مش عارف أكتب زي الأول؟!
لو بتسأل نفسك كل الأسئلة دي ومش لاقي إجابة فكده المقالة دي تلزمك.
ازاي استعيد نفسي في الكتابة؟اولا اسباب انعدام الشغف: بص يا سيدى وما سيدك إلا انا لازم تعرف إنه السبب الأساسي في فقد الشغف انه معندكش مواضيع جديدة تكتبها. او عندك ومش عارف ترتبها او مكسل تكتب. او إحباط من اللي حواليك وعدم تشجيع وغيرها طبعا اي كان أسباب عامة او أسباب شخصية
طيب والحل؟!
-
- الحل:
- اول خطوة تتخذها القراءة : لازم تقرأ وتجدد معلوماتك ويتولد عندك افكار جديدة ترجعك تكتب عنها.
ومش هحددلك تقرأ ايه، تقرا كل المجالات وتنوع وتقرأ مواضيع وحكايات عامة تمام! تمام.
طيب والحل التاني : التأمل في الطبيعة ورقتك وقلمك وكباية الشاي بتاعتك تتسلطن وتقعد علي السطح كده ساعة الغروب او الشروق او حتي البلكونة او لو انت من الريف وجنبك زرع فكل ده لازم يوحيلك بكتاباتك جميلة.
طيب وفي حل تالت؟ ايوه فيه ، متابعة البرامج التي تحل قضايا وقصص منوعة برضو تكتسب منها خبرات كتير.
مش بس كده في حل رابع: اعمل جو تحب لو تحب هدوء تحب صوت شيء معين تحب مشروب معين وكن مع نفسك هتلاقي نفسك ترجع تكتب.
وإيه تاني؟
قصدك وإيه خامس!
خامسا: اجعل الكتابة عادة ولو كل يوم سطرين بس هتتعود في نفس الوقت تكتب.
وخد الحل السادس الجميل ده: اطلع بره صندوقك بمعني:
لو بتكتب حزين، لا غير اكتب رومانسي، لو بتكتب حب اكتب نصائح اكتب رعب اكتب دراما وهكذا.
واخيرا وليس آخرا : جرب تدوين افكارك بكرق مختلفة.
بمعنى أول ما تجيلك فكره افتح تلفونك وسجل الفكره وارجع اكتب عنها شغل مسجل الصوت وسجل ريكورد وبعد كده ارجع أسمعه واكتبه اكتبها علي ايدك باي طريقة احفظها وأرجع اكتبها متخلهاش تضيع منك.
-
- سبع طرق لو استخدمت طريقة وحده بس هترجعك تاني تكتب اكتر من الأول بالتوفيق ليكم جميعا اخوكم محمد حداد
- تقدروا تنضموا لينا ولفريق زي الكتاب ما قال من خلال :
- رابط البيدج الخاص بينا على الفيس بوك
- أو من خلال جروب الفيس بوك الاول زي الكتاب ما قال
- أو من خلال جروب الفيس بوك الثاني شخابيط الكوكب الازرق
- أو من خلال مدونة زي الكتاب ما قال على بلوجر
- أو من خلال قناه اليوتيوب زي الكتاب ما قال
- 👋
- مع تحيات إدمن زي الكتاب ما قال 💙
تعليقات
إرسال تعليق
اكتب تعليق لتشجيعنا