بقلم آلاء عيسي- من قصص اعضاء زي الكتاب ما قال
-اتفضلي ياآنسة ..تطلبي ايه ؟؟! =بص بقي عشان تبقي عارف قلبي نسيك وسمعني خلاص.. -انتِ بتكلميني انا ؟؟!! =لا انا باغني ..عجبك صوتي ؟؟!! -لأ بصراحة .. =الله وكمان قليل الذوق ..بس بحبك برضه .. -بتقولي اييه ؟؟! =مرتبط ولا لسه ؟؟ -لأ ياآنسة لسه .. =طب كويس ريحتني ..انا اسمي سهر ..بلاش كل شوية آنسة دي زهقت ..اسمك ايه ؟؟! -اسمي مصطفي .. =حلو .. -هو ايه يافندم ؟؟ =مصطفي وسهر لايق مش كدة ؟؟! -ااه اكييد ..زي ماحضرتك شايفة.. =انا كمان مش مرتبطة ؟؟ -والمطلوب مني؟؟ =نرتبط ...هانفضل لحد امتي سناجل ؟؟؟!! -اييييه؟؟! =اسمع مني اصل موضوع الكورونا ده شكله هايطول معانا والواحد لازم يشوف مصلحته .. -أيوة بس انا مش بافكر ف الجواز دلوقتي . =أيوة بس انا فكرت وقررت خلاص .. -قررتي ايه ؟؟!! =ان احنا هانتجوز ي عمررري ... -شكلك مانمتيش كويس . =ااه كنت بافكر فيك..ماتيجي اخطفك لمدة يوم ونكتب الكتاب عشان نبقي براحتنا ونبقي نعلن الفرح بعدين.. -انتِ شكلك بتتفرجي علي افلام كتيرة .. =اه وانت بقي اللي هاتخلي الافلام تبقي حقيقة..وتتجوزني وتبقي النهاية سعيدة.. -ههههههههههه ..والله العظيم هبلة.. =ضحكتك قمر يخربيت غمازاتك ..انت رايح فين وسايبني. -رايح اشوف شغلي ده انتِ دماغك مطرقعة .. روحت البيت وانا زعلانة بكراش عليه 5سنين وفي الاخر بيقولي دماغك مطرقعة انا هانام وافضل أحلم احسن .. -اصحي ياسهر كل ده نوم ف ضيوف بره وعايزين يشوفوكي .. =ضيوف مين يا ماما اقفلي النور .. -عريس جاي يشوفك وهو وعائلته بره .. =انا هاخرج اقوله ع الحقيقة واني بحب واحد تاني بلا وجع دماغ ..حاضر يا ماما جاية .. خرجت وسلمت ع الضيوف ومابصتش ناحيته خالص وبعدين بابا قاله ادخلوا البلكونة واحنا هانقعد هنا .. -اييه مش هاتبصيلي ..مش هاتتكلمي؟؟ =ايه ده ..ده هو ..ده صوته ..مصطفي معقولة..انت مستحيل.انت ايه اللي جابك هنا؟؟!! -اصل ماينفعش حد ييجي عندي الكافيه ومايشربش حاجة ف جيت عشان اجيب المشروبات .. =ههه ..ما انت بتعرف تهزر اهو .. -انا ياسمورة بحبك من زمان من ساعة ماشوفتك ف الكافيه بس كنت مستني اعرف مشاعرك قبل ماتقدم ومشيت وراكي النهاردة عشان اعرف عنوانك ..وجيت عشان اتقدملك .. =لا وكمان بتعرف تمثل وتخبي مشاعرك ..انا بحبك جداا .. -وانا باعشقك ياروحي ..وهانعمل كتب الكتاب ع طول ... =موااافقة .. "ماذا لو كانت المشاعر التي تخبئها بداخلك هي نفسها تلك المشاعر التي يخبئها لك الطرف الآخر ؟!!!" #قلم ~ورقة. #الشيربيفرح. #آلاءعيسي..
تعليقات
إرسال تعليق
اكتب تعليق لتشجيعنا