بقلم عبدالرحمن الرحماني- من قصص اعضاء زي الكتاب ما قال
- عمر = هاتلي مياه يا ابني عشان اخد الدوا - يوووووه و انت متجيبهاش لنفسك ليه = يا ابني الصحة مش زي الاول ابوك داخل في سبعين سنه - و انا مالي انا = و انت مالك!!روح يا ابني ربنا يسامحك روح - يا بابا = نعم يا ابني - عايز ٢٠٠ جنيه = طب ده هى ال٢٠٠ جنيه دي اللي بصرف بيها طول الاسبوع تقوم تاخدها انت دلوقتي - انا ماليش دعوه انا = خد يا ابني و انا هتصرف "دخل الاب البلكونه عشان محدش في البيت يسمعه وهو بيتصل يطلب دين من الناس" - الو يا استاذ صبري = ايوه عم علاء الفراش و لا مين - ايوه انا = ايوه عايز ايه - و النبي الهي يسترك كنت عايز ٢٠٠ جنيه بس مزنوق فيهم عالآخر و هبقى ارجعهم وقت ما ربنا يكرم = طب تعالالي عالمكتب كمان ساعه - روح ربنا يباركلك و يحفظك " أثناء ما هو كان بيتكلم في التليفون سمعه احمد جارهم ...... احمد ده شاب شغال في شركة مستحضرات تجميل و يعني حالته المادية كويسه المهم فضل مستني الراجل ينزل عشان ميطلعش البيت و يتسببله في احراج قصاد زوجته " -ازيك يا عم علاء =انا و الله الحمدلله والشكر لله بخير يا ابني -انا سمعت حضرتك و انت بتتكلم في التليفون يتطلب دين بلاش سكة الدين دي يا عم علاء =طب و انا اعمل ايه بس يا ابني هو لو كان معايا فلوس كنت طلبت دين من حد -بص يا عم علاء انا الحمدلله والشكر لله لسه واخد قبض الشهر اتفضل حضرتك دول الف جنيه و مش عايز حضرتك تردوهملي و انا هبقى اجي لحضرتك كل اول شهر اديك زيهم =لأ يا ابني كتر خيرك والله ربك كريم و هيحلها -لأ و الله حضرتك زي ابويا و انا مقدرش اشوف ابويا محتاج حاجه =روح يا ابني الهي يسترك و متشوفش وحش في حياتك ابدا -اللهم آمين يارب حضرتك عايز اي حاجه =عايز سلامتك يا ابني و في امان الله "الهي ربنا يكرمك يا ابني" -ايه يا چو ظبطت الحتتين اللي قولتلي عليهم امبارح =اه يا با كله تحت السيطرة -بيس يا مان "طبعاً بعد السهرايه اللي كلها شرب و ذنوب و ايه بقى لقى أبوه واقف قصاد باب الشقه مستنيه" -كنت فين كل ده =بقولك ايه انا حر اجي وقت مانا عايز -حر !!و بعدين انت شكلك شارب حاجه شممني بوءك =يووووه هو انا طفل اوعى كده "الواد زء أبوه جامد و أبوه يعيني وقع عالأرض و راح الواد داخل ينام و طبعاً امه يعيني قومن والده و قالتله "معلش يا حاج ربنا يهديه إن شاء الله بس احنا ندعيله بس" " ( تاني يوم ) -هيييييه بتعمل ايه يا واد =في ايه باخد فلوس -بتاخد فلوس من بوكي من غير ما تقولي =اه و فيها ايه يعني -دي سرقه كده يا ابني =بقولك اوعي كده انا نازل "هو طبعاً رايح لصاحبه عشان يسهر تاني" -ايه يا اخويا =بقولك ايه مش جيبتلك البت الاجنبيه اللي قولتلك عليها امبارح -اوبا بقى "بعد مخلصوا السهره " -يا ابني خلي بالك انت شربت كتير اوي النهارده =يعم اخلي بالي ايه بس انت بتكلم عمر شعوزه$ -اشطا عليك يا ابو الصحاب "و هو ماشي في الطريق طبعاً سكران و مش شايف حاجه قصاده راحت عربيه خبطته السواق اللي خبطه خده معاه في العربيه و طلع بيه على اقرب مستشفى" -الواد أتأخر اوي انا خايف عليه ليكون جراله حاجه =هو كل مره بيتأخر كده يا حاج انت خايف من ايه بس -ربنا يستر والله "تليفون أبوه رن" -الو =الو -مين معايا =مش حضرتك والد عمر علاء -ايوه انا حصل ايه طمني الهي يستر عرضك هو كويس؟ = للأسف حالته صعبه جدا و محجوز في مستشفى طوارئ باب الشعريه - انا جاي دلوقتي حالا -خليكي انتي هنا و متتحركيش من مكانك وانا هبقى اطمنك "الاب راح المستشفى" -طمني يا دكتور = للأسف رجليه اليمين لازم تتقطع مفيش اي حل تاني "الاب وقع على الأرض من زعله على ابنه و خد تلات ساعات عقبال ما فوقوه" -شد حيلك يا عم علاء شده و تزول إن شاء الله انا دفعت الفلوس في الخزينه =لأ يا احمد يا ابني و الله ما ينفع -يا حاج والله ابدا ده انا ربنا كرمني خالص و بقى معايا فلوس كتير الظاهر دعواتك استجابوا =روح يا ابني الهي ربنا يرزقك من حيث لا تدري ولا تحتسب -آمين يارب المهم شد حيلك انت يا عمي و ابقى طمننا عليه =إن شاء الله يا ابني -معلش انا اسف انا مضطر استأذن =روح يا ابني الهي ربنا يبعد عنك ولاد الحرام "تليفون الاب رن و زوجته اللي بتتصل" -الو الواد كويس ولا حصله حاجه يا حج طمنني و النبي =الحمدلله الواد زي الفلل هى رجليه اتجبست بس و هيقعد في المستشفى تلات ايام بس عشان حالته تتحسن انا هقعد معاه و ابقي خلي بالك من نفسك -الواد كويس يا حج بجد =اه الحمدلله والشكر لله مش هكدب عليكي سلام بس دلوقتي "الواد فاق من العمليه و قائم عمال يصرخ ايه ولا كأن واحده بتندب على جوزها" "ابوه دخلله" -اهدى يا ابني ده قدر "طبعاً الواد قعد يصرخ مش مصدق راح أبوه خده في حضنه و قعده يعيطه هما الاتنين "بعد مرور شهر من الحادث ده" -السلام عليكم ورحمة الله وبركاته.......... السلام عليكم ورحمة الله وبركاته =تقبل الله يا ابني -مني و منك يا بابا يارب -بابا انا اسف على اللي كنت بعمله بسبب سوء فهم مني ياريت تسامحني يا بابا انت و ماما وانا نفسي جدا اوطي ابوس رجليكم دلوقتي عشان تسامحوني دلوقتي "طبعاً الكلام ده كان مصحوب بدموع تملى بحرين مش بحر واحد خدوه في حضنهم و قالوا مسامحينك يا ابني والله" النهايه اسف اني طولت عليكم و رأيكم يهمني جدا بقلم : عبدالرحمن الرحماني
تعليقات
إرسال تعليق
اكتب تعليق لتشجيعنا