بقلم بسمله احمد - من قصص اعضاء زي الكتاب ما قال
_ ماما انا عايزة البس الخمار = لما تكبري يا حبيبتي انتي لسة صغيرة _ صغيرة ايه انا ١٤ سنة = يعني صغيرة ... بصي يا حبيبتي لما تتجوزي ابقي البسيه _ طب يلة عشان هتجوز = انتي هبلة يا بنتي ... بس بقي ربنا يهديكي _ واقسم بالله آخركم نهاية السنة دي لو ملبستش الخمار لهروح اتجوز ... او هنتحر = طب وانتي يا بنت المجنونة هتجيبي العريس منين _ يا ماما انا مش عايزة عريس انا عايزة البس الخمار انتي اللي بتغصبيني علي الجواز = هو انا كلمتك يا بت انتي _ استغفر الله العظيم يارب والله انا لو عرفت السبب اللي يخلي الجواز رقم واحد عند الامهات لكان زماني متجوزة وكالعادة رفضت اني البس الخمار اومال لو عرفت اني بفكر في النقاب هتعمل ايه بقالي ٤ سنين بحاول معاهم بس مفيش فايدة والنتيجة واحدة لما تتجوزي فتحت الفيس ولقيت واحد اسمه معاذ منزل بوست " لو جوزك طلب منك تلبسي النقاب هتوافقي ولا هترفضي " البوست كان نازل من ربع ساعة بس... فتحت الكومنتس لقيتهم كلهم بيقولوا "لا هرفض" لقيت نفسي مرة واحدة كتبت كومنت وتقريبا حكيت فيه قصة حياتي والمشكلة انه رد عليا وبدأ يساعدني _ هقبل طبعا لإني نفسي البسه جدا بس لو اهلي وافقوا علي الخمار بس = وهو انتي عندك كام سنة _ لسة ١٤ = وهما رافضين ليه _ عشان لسة صغيرة وبيقولولي لما تتجوزي = اهااا تمام دخلت علي صفحته وانا عارفة ان دة غلط لقيته بينزل حاجات دينية كتير اوي عملت متابعة ليه وبدأت استفيد من الي بينزله جااامد اوي وفجأة لقيته عاملي لايك علي بوست منزلاه وهو " يا بختك لو اتجوزتي واحد صوته حلو في القرآن وطول ما هو داخل وخارج يفضل يقرأ وانتي ترددي وراه " وتاني يوم من البوست دة لقيت ماما داخلة عليا _ فداء = ايوا يا ماما في حاجة _ انا وابوكي وافقنا تلبسي الخمار = بجد ... قولي والله ... انا عايزة اعيط .. لا لا انا هزغرط انا مبسوطة اوي _ انتي راحة فين = هصلي ركعتين شكر لربنا فرحتي نستني اسألهم عن سبب تغيير قرارهم وليه فجأة كدة وافقوا عدت تلت سنين وانا متابعة كل البوستس اللي معاذ بينزلها واكتشفت ان هو كمان متابعني لغاية ما دخلت ثانوية عامة وفي يوم كنت راجعة من الدرس ولقيته ... واقسم بالله هو ... معاذ عندنا في البيت ومعاه واحدة تقريبا كدة والدته وواحدة تانية شكلها قدي في السن دخلت وانا محتارة ومش عارفة هو موجود ليه _ تعالي يا فداء يا حبيبتي ادخلي = السلام عليكم كلهم ردوا السلام وانا طول القاعدة مبصتش في عينه خالص لغاية ما لقيته بيتكلم _ يشرفني يا عمي اطلب ايد الآنسة فداء يعني نعمل قراية فاتحة النهاردة والخطوبة بعد الثانوية وكتب الكتاب بعد النتيجة ان شاء الله = دونا عن انك مستعجل بس في الأول والآخر القرار لفداء ... يلة يا جماعة نسيبهم شوية بقي _ انتي هتفضلي ساكتة كدة ومش بتبصيلي ... دي حتي رؤية شرعية يعني = انت جيت ازاي _ في العربية ابتسمت وهو كمان لقيته كمل ونظره متشالش من عليا _ وقت ما نزلت البوست دة لقيت ناس كتيرة رفضوا .. بس ردك انتي عجبني وشدني جدا وبالذات ان سنك لسة صغير ... مع العلم اني اكبر منك بست سنين بس ... بدأت ادخل علي الاكونت بتاعك وعجبني الحاجات اللي بتنزليها جدا وحبيت ردودك علي الناس حسيت انك بتحاولي تعرفي في الدين اكتر ... حبيتك يا فداء... وعلي فكرة انا معرف اهلك من زمان وانا اللي خليتهم يقتنعوا بالخمار وهنا واتصدمت صدمة عمري قعلا مكنتش اتوقع انه يكون معرف اهلي انه يحبني ولا انهم وافقوا علي الخمار بسببه وشي احمر بطريقة صعبة وحسيت اني سخنة فعلا _ البوست اللي نزلتيه وانا عملت لايك عليه معرفش انتي فهمتي ولا لأ ... بس انا عملت لايك عشان اعرفك اني الراجل دة الحمد لله يعني مقدرتش امنع ابتسامتي الحمد لله كل اللي كنت بتمناه جالي في لحظة واحدة بس _ مستعدة تكملي حياتك ودراستك في بيتي ومعايا يا فداء وصدقيني هحاول اكون خير زوج ليكي معرفش صوتي طلع ازاي بس مع الأسف طلع مبحوح = مستعدة يا معاذ _ ماله اسمي احلو كدة ليه وشي احمر تاني او عاشر مش عارفة وهو قدر حالتي وبدأ يغير في الموضوع _ طيب بصي بقي يا فداء ان شاء الله كتب الكتاب هيتحدد بعد نتيجة الثانوية العامة ومن هنا لغاية كتب الكتاب هنفذ ضوابط الخطوبة تمام = اكيد طبعا دي احسن حاجة _ هترددي القرآن ورايا = هردد وراك _ وموافقة تلبسي النقاب = موافقة البس النقاب #حب_بدون_مقدمات #بسملة_احمد
تعليقات
إرسال تعليق
اكتب تعليق لتشجيعنا