كيف تطور نفسك في مجال الكتابه - ازاي تحسن من مستواك في كتابه الشعر، الاسكريبت، القصص القصيرة

بقلم شيرين محمد - من قصص اعضاء زي الكتاب ما قال

(اسكريبت)

-حبه جنه انا عشت فيها
=يا عيني
-قربه فرحة حلمت بيها
=وايه كمان
-ايه يبني مالك قاعد زي المطلقين كدا ليه
=مطلقين!! طب احترميني طب دا انا حتي يعتبر ابن عمك وانا الكبير تقريبا كدا يا ام لسان ونص انتي
-نينينيني... طلعتني من المود منه له
=مود ايه اما كونتيش سنجل يختي
-وانا لو مرتبطه كنت هقعد مع اشكالك يا سنجل يا بائس انت
=احم طيب ي شري اجيلك في وقت تاني لحسن عمك بينادي...
-اهرب يا اخويا كل مره تاخد قصف جبهه كدا وتنزل
****************************************
-اهلا بالي عامله دوشه علي الباب ولا كأنها في فرح
=وسع انت كدا.... مرات عمي طابخة ايه انهارده
-خدي هنا يا طفسه
=حاسب كدا بس التيشيرت يكرمش ي كابتن
-هفضل ماسكك من قفاكي كدا ي اوزعه لغاية اما تقولي في ايه انتي مبتعمليش الهوليله دي وتنزلي الا اما تكوني متخانقه معاهم فوق
=عليك نور حاسب بقا يا كابتن اما اشوف هاكل اي
فاطمة:تعالي يا شيري خشي
-ازيك يا مرات عمو ي قمر انتي
=اه يا بكاشه انتي.. عملالك مكرونه بالبشاميل يختي
-طب يلا ندخل نحضر الاكل ونسيب الواد الرخم دا باي ي يودي
*بعد ربع ساعه*
-يبنتي سيبي الأكل شويه وفهميني متخانقه معاهم ليه
=مرات عمك ي عم
-مالها يختي
=في عريس جاي كمان ساعه ومصممه اني اقابله
-طب ودي فيها ايه
=لا ياحبيبي انا عاوزه اكمل دراسه ويبقي ليا كارير
-هههههههه
=بتضحك ع ايه ي مهزء كلامي بيزغزغ
-كارير ايه ي ام كارير افكرك ب3من40في الفيزياء في 3ثانوي ولا 1بتاع الكيمياء
=قلبك اسود اوي ي كابتن
-انتي اللي فاشله
=انت عارف اني بتعصب من الكلمة دي يا زفت
-بتعصبك كلمة يا فاشله.. يا فاشل يا فاشل يا فاشل
=اه يا مهزء ما انت اللي مش بتعرف تشرحلي وانت بتذاكرلي داخل طب بالسمعه كدا انت
-احم احم بس يا فاشله
=سيبهالك مخضره يا اخويا وطالعه
-ماشي يا اختي معرفش هتقعدي على قلبنا لحد امتي
=سمعتك يا مهزء وهات طبق الفرواله دا مانتش واكلها
-حدفها بالمدخة من على الكنبه
****************************************
*بعد ساعه الباب خبط والعريس وأهله دخلوا*
-وحيات امي لطفشك قال اجوز قال واروح اطبخ لراجل غريب وادور ع فرده شراب ضايعه واروق واقول اه يا ضهرك يا لوزه لا لوزه مش عاوزه تتجوز لاء
=طب يلا ي لوزه ابوكي بينادي... ينهارك ابيض ايه دا
-في ايه
=لابسه اسود كدا ليه يالي جوزك مات
-دا الاسود دا الشياكة كلها
=عوض عليا عوض الصابرين يا رب ....امسكي يختي العصير وحاسبي تتكفي فيه ع وشك
-مستقلين بيا اوي انتوا انا قصيره بس نينجا
=طب حاسبي يا نينجا انتي كنتي هتشقلبي شقلبه سلاحف النينجا دلوقتي يختي
-متشكرين يا امومة... واه مفيش هديه عيد ام ولا حتي ورده
=اطلعي يابت هتشليني
****************************************
-بابا فين العريس
=سلامة النظر ي حبيبتي ما اهو
-اهو فين انا مش شايفه غير عمو ومرات عمو والواد المهزء اللي اسمه اياد دا
=طب نسيبهم شويه لوحدهم يا جماعه وهما يتفاهموا
-ولا انت يلا
=يا نعم
-انت ايه اللي جابك هنا
=يعني قالولك ان في عريس اتهف في عقله جاي عشان يتنيل يجوزك يبقي انا هنا بهبب ايه
-جاي تساعدني اطفشه
=صبرني يارب استغفر الله العظيم يارب
-انت جاي تعلن ايمانك هنا يا اخ
=هتشلني وانا صغير وهتموتني بجلطه اه يانا يا اما.....جاي اتهبب اجوزك يا حبيبتي
-نعم!!
-=قصدي جاي اتجوزك سعادتك ي شري ي قمر انتي
--نعاااااااام ي اخويا
=ايه!!
-مش موافقه
=ودا ليه ان شاء الله
-كداهون
=وافقي وهجبلك شكولاته
-لاء
-=طب بحبك طب
--لاء... ايه!!
=ايه!!
-قولت ايه
=هجبلك شكولاته
-لا اللي بعدها
=بحبك..
-وانا كمان... قصدي لاء مش موافقه
=حبيبتي انتي عندك فاينال كمان شهر متنسيش
-انت قاعد هنا بتعمل
=هاا
-قوم اجري هات المأذون
=يعني موافقه
-اه يلا وبحبك دا فيها فاينال
=لا يختي مانت هتحضريه برضو
-لا مانا زوجي قرة عيني ملكش دعوه
=بحبك
-هااا!..ايه!!
=ايه؟!
#عندك فاينال كمان شهر ي حبيبتي 😂🖤
#حگكاوي ليالي الحظر الحزينه 😂🖤
#رأيكوا يهمني

#شيرين_محمد🖤