بقلم أميرة_العناني - من قصص اعضاء زي الكتاب ما قال
-إنتَ بتعمل اي هنا يا إياد؟
=خليني معاكِ ف المطبخ ومش هعمل صوت والله.
-طيب.
=اي اللي جاب الكوباية دي هنا؟
-اطلع برا المطبخ ي إياد.
=دوا الكحة بيعمل اي ف التلاجه؟
-أومال احطه فين يعينيا ف البوتجاز مثلا.
=عاوز كوباية شاي طيب.
-يارب نخلص بقا.
"بعد دقايق"
-خد الكوباية وعلي برا عدل.
=لأ لأ الكوباية دي مش حلوة خالص... حتي مش نفس اللي كانت ف بالي... طب عاوز واحدة غيرها.
-حاضر.
=إي ذرات التراب اللي ف الكوباية دي؟
-اطلع برا المطبخ ي إياد.
=إنتِ غسلتي المواعين؟
-أيوا.
=أومال اي المواعين دي؟
-هعملهم.... حاضر.
=كنستي الشقة النهاردة!
-أيوا كنستها.
=الطبق دا بيعمل اي ع الحوض مش المفروض مكانه ف المطبقية.
-مزاجه هو عاوز كدا.
=هو مين دا؟
-برااا ي إياد.
=هو اي التراب اللي ع الباب من فوق دا؟
-يختااااااي.
=علشان تعرفي إنك مش ست بيت شاطرة واعترفي بكدا بقا.
-خليك بعيد عني علشان أنا علي أخري منك.
=التلاجه كويسه ولا بتفتح لوحدها.
-لأ كويسة.
=إنتِ أخر مرة نظفتي الأوضة دي إمتا؟
-لسه حالاً.
=مش عارف أنا اتجوزتك إزاي بس!
-هتشل.
=لأ ظبطيلي الدنيا هنا بدل العك اللي ف البيت دا...وبعدين اتشلي
-صبرني يارب.
=بقولك اي رأيك ف لون عيني.
-هو إنتَ سُخن ولا حاجه.
=عاوز أصبغ شعري.... أخليه لونه اي.
-ابعد عني بكلامك دا علشان أنا ع تكة.
=بقولك إنتِ فاكرة اتعرفنا علي بعض إزاي.
-معرفة هباب.
=بقولك عاوز أتخانق...تتخانقي!
-صبرني يارب.
=عاوز أغير ديكور الشقة.
-والله كلمة كمان وأبقي غلطانة إن قضيت فترة الحظر دي معاك.
=أخر مرة كنستي تحت السرير كان إمتا
-ألم هدومي أنا بقا.
=خلاص خلاص خليكي للصبح.
"بعد ساعة"
=هو الدرج دا مكركب كدا لي ي ولية؟
#تاليـن "
#أميرة_العناني"
تعليقات
إرسال تعليق
اكتب تعليق لتشجيعنا