نظرية الأكوان المتوازية أو (تاثير مانديلا) اعداد سهيلة ممدوح
(الأكوان المتوازية)
(تأثير مانديلا )
تقدر تشوف الفيديو كامل علي اليوتيوب من هنا
خلينا نبتدي بصاحب أسم النظرية الرئيس السابق لجنوب إفريقيا "نيسلون مانديلا" لما وصفت"فيونا بروم"بالتفصيل جنازة الرئيس في الثمانينات في السجن على رغم أن مانديلا عاش لغاية سنة 2013، لكن الغريب كان اتفاق ناس كتير معاها في الرأي والبعض كان متذكر كويس أوي خطاب من أرملته حول وفاته مع أن كل ده محصلش وأتسمي الموضوع ده من ساعتها ب"تأثير مانديلا"، طب أزاي ده حصل ؟! بص يا سيدي في أسباب كتيرة أتحطت لكن ولا واحدة منهم تم تأكيدها بنسبه100%، أولهم وهي الأقرب للحقيقة نظرية "الأكوان المتوازية " وهي عبارة عن أن في عدد أكوان لانهائي من ضمنهم الكون بتاعنا وف كل كون من الأكوان بيحصل حاجة مختلفة عن التاني يعني مثلا لو أنت في الكون ده فقير فأنت في الكون التاني غني ولو في الكون التاني ناجح فأنت ف الكون التالت فاشل وهكذا..، وممكن في كون رابع تكون الحيوانات المنقرضة عايشهةوأحنا اللي بننقرض!!، لو لسه مش فاهم تعال اديك شويه حاجات كده كلنا كنا فاكرينها حصلت وهي محصلتش أصلا.
وأولهم إعلان الجبنة الضاحكة "لافشكرين" اللي كان على أنف البقرة حلق صح؟! الحقيقه أن البوستر الحقيقي معلهوش حلق ولا حاجه مع أننا كلنا فاكرين ده كويس!
طب أقولك ع حاجه تانيه شوكولاتة كيت كات معظمنا كان فاكر أن شعارها فيه خط بين كيت وكات وانا بردو كنت فاكرة كده لغاية ما أكتشفت أن الشعار من غير خط وحاجات زي كده كتير، لكن أيه علاقة ده بقا بالأكوان المتوازية؟
الحقيقة أن ممكن يكون كل اللي بيحصل ده بسبب تشوه حصل في الأكوان يعني الأكوان تداخلت في بعض فممكن اللي أحنا فاكرينه حصل ومحصلش يكون حصل فعلا لكن في كون تاني غير بتاعنا واللحظة اللي شوفنا فيها ده يكون حصل تداخل بين الكون بتاعنا و أي كون تاني!، طب وأي اللي يسبب التداخل ده؟ هو لغاية الآن مفيش سبب مقنع بنسبة 100% لكن كان في غموض كبير بيحوم حول مختبر الابحاث"CERN" وده على الحدود بين فرنسا وسويسرا وممكن أنه يكون تسبب في انشقاق في الزمان والمكان لما أطلق مصادم الهادرونات الكبير عام2008 وبدأ في قذف الذرات في ذرات أخري لأكتشاف جذور الكون!، لكن حتى الآن مفيش دليل بيدعم الكلام ده، طب والسؤال دلوقتي أحنا ليه مش بنشوف الأكوان ديه؟ لأننا تلسكوباتنا قادرة على رؤية ١٤ مليار سنه ضوئيه بس ومحدش يعرف أي اللي موجود بعد كده؟! لكن في سبب تاني للذكريات الكاذبة دي هو أن تأثير مانديلا يكون شكل من أشكال "التخاطر"يعني مجموعة من الناس بيحصل بين عقولهم تخاطب لتذكر تسلسل أكثر احتمالا للحدث. طب دلوقتي أحنا أزاي نفرق بين الذكرى المزيفة و الحقيقة؟، هكدب عليك لو قولتلك أن في طريقة لده لكن لو في حاجه أنت شاكك فيها تقدر تدور عليها في مواقع موثوقة. وموضوع الأكوان المتوازية ده مريب جدًا لدرجة أن علماء الإسلام أختلفوا فيه فالبعض قال أن ده مجرد رأي فلسفي وملهوش أي أدله ماديه وبراهين وأن الكون عباره عن أرض وسبع سماوات مش أكتر، والرأي التاني أستند إلى الأيه: { اللَّهُ الَّذِى خَلَقَ سَبْعَ سَمٰوٰتٍ وَمِنَ الْأَرْضِ مِثْلَهُنَّ يَتَنَزَّلُ الْأَمْرُ بَيْنَهُنَّ لِتَعْلَمُوٓا أَنَّ اللَّهَ عَلٰى كُلِّ شَىْءٍ قَدِيرٌ وَأَنَّ اللَّهَ قَدْ أَحَاطَ بِكُلِّ شَىْءٍ عِلْمًۢا }[ سورة الطلاق : 12 ] واللي فسرها الصحابي" عبدالله بن عباس" لما سأله رجل عنها فصمت قليلا ثم قال"ما يؤمنك إن أخبرتك أن تكفر" لأن ف العصر ده كان وجود أكوان متوازية غير مقبولة أو معقولة حتي، وقال ابن عباس عن الايه:"سماء تحت أرض وأرض فوق سماء مطويات بعضها فوق بعض يدور الامر بينهن كما يدور بهذا الكردن الذي عليه الغزل، سبع أرضين ف كل أرض نبي كنبيكم، وآدم كآدم، ونوح كنوح، وإبراهيم كإبراهيم، وعيسي كعيسي"(قال البيهقي عقبه: إسناد هذا صحيح عن ابن عباس)،لكن الله سبحانه تعالي هو الاعلم بخلقه وعلينا أن نؤمن إن كل شيء سيظهر في الميعاد الذي حدده الله له. وانت كمان احكيلنا لو في حاجات كنت فاكرها حصلت واكتشفت أنها محصلتش! _سهيلة ممدوح المصادر
/
1-Healthline
2- حسوبio
- تقدروا تنضموا لينا ولفريق زي الكتاب ما قال من خلال :
- رابط البيدج الخاص بينا على الفيس بوك
- أو من خلال جروب الفيس بوك الاول زي الكتاب ما قال
- أو من خلال جروب الفيس بوك الثاني شخابيط الكوكب الازرق
- أو من خلال مدونة زي الكتاب ما قال على بلوجر
- أو من خلال قناه اليوتيوب زي الكتاب ما قال
- 👋
- مع تحيات إدمن زي الكتاب ما قال 💙
 اعداد سهيلة ممدوح (الأكوان المتوازية) (تأثير مانديلا ) هل افتكرت قبل قبل كده حاجه حصلت والن…){kind=link}
تعليقات
إرسال تعليق
اكتب تعليق لتشجيعنا