قصص كوميدية مضحكة - قصص واقعيه ساخرة بقلم محمد حداد - زي الكتاب ما قال

أنا كل يوم بصحى علي "خزين يا بصل، مجنونة يا طماطم" ،

" روبابكيا أي حاجة قديمة للبيع" إلا اليوم ده:

صحيت علي صوت نبوية اليهودية (ليه بقي سموها يهودية؟ سمعت خالتي سنية اللتاتة اللي مش بجيب سيرة حد علي العتبة بتقول أنه جدتها يهودية جات مع هتلر) ما علينا.

المهم نبوية(اللي لابسة أحمر دي): بتزعق مع الست عليا المفترية(اللي شايلة الواد ده) عشان : أبنها حنفي ( اللي ماسك الشبشب ده) ضرب أبنها شعبان السهتان (سموه سهتان عشان هو كل ما حد يلمسه يرجى يعطي لامه)

فطبعا الست عليا مش معارفه وطلعت هي وامها اللي وراءه دي وجوزها الصغير اللي جنبها كلمه قدام نبوية، فطبعا نبوية معاها برضو سلفتها مايا اللي ماسكة عصايا (ليه بقى اسمها مايا لأنه الأسماء مش بفلوس)

ما علينا \ وكمان معاها أخت جوزها عمة شعبان السهتان حركانة علي ابن أخوها وكلمة من دي علي كلمة من دي صحوني من النوم مش أنا بس ! أنا والست عواطف اللي نازلة من فوق بالشبشب لأنها مش بتسكت لحد، وما تصدق تلاقي عركة بتروح فيهم في ورطة.
وكلمة من عليا، علي رد من نبوية ، وضربة من عواطف لحد ما بقيت خناقة كبيرة وراحوا المركز وأنا جيت احكيلكوا إزاي يومي مختلف ، وصحيت علي شيء جديد النهارده

شكرا للتغيير اللي حصل في حياتي
#محمد_حداد