كيف تطور نفسك في مجال الكتابه - ازاي تحسن من مستواك في كتابه الشعر، الاسكريبت، القصص القصيرة

"هو رزقي" بقلم فاطمة عاطف - من قصص أعضاء زي الكتاب ما قال

هو رزقي..

خالد : الو ازيک ي مريم عاملة ايه وحشتيني
مريم : الحمد لله
خالد: الحمد لله سادة كده مفيش وحشتني حتي
مريم : وحشتني قووووي فوق متتخيل بس زعلانة منک
خالد : ليه كده بس القمر زعلان مني
مريم: بقالك كام يوم مش بتكلمني بتفكر في واحدة غيري ولا ايه
خالد: أولا والله مششددين عليا قووي في الجيش وثانيا انا اقدر افكر في حد غير روحي دا انتي النفس اللي بتنفسه
مريم : بجد ي خالد
خالد : بجد ي روح خالد
مريم : خالد انا بحبک علي فكرة
خالد : منا عارف وانا كمان جدًا
مريم : يلا بقي انت هتخلص الجيش امتي عشان نتجوز
خالد : هانت ي حببتي
مريم : ربنا معاك ي قلبي
خالد : معلش هسيبک دلوقتي عشان القائد بيناديني بااي ي قلبي
مريم : ماشي ي حبي في حفظ الله

أحلام : كنتي بتكلمي مين ي مريم
مريم : كنت بكلم خالد ي ماما
أحلام: وهو عامل ايه دلوقتي
مريم : الحمد لله ي ماما
ربنا يهون فاضله شهرين ويخلص
أحلام : ربنا معاه ي بنتي
مريم : يااارب ي ماما

بعد يومين
أحلام : مالك ي مريم في ايه
مريم : مش عارفة ي ماما بس قلبي واجعني ومش عارفة ليه
أحلام : طيب تعالي ي بنتي نروح للدكتور ونشوف في ايه
مريم رفضت في الاول وبعدين مامتها اخدتها وراحو للدكتور
أحلام : السلام عليكم ي دكتور
الدكتور : وعليكم السلام ي مدام حضرتك بتشكي من إيه
أحلام : مش انا ي دكتور دا بنتي إمبارح قلبها وجعها فجاة كده وقولنا نشوف في ايه ونطمن
الدكتور : تمام أتفضلي عشان نكشف
كشف الدكتور وبعدين طلب منهم إشاعة علي القلب
مريم : ليه الإشاعة ي دكتور هو فيه حاجه خطر ولا ايه
الدكتور : لا انا بس عايز اشوف القلب كويس واتاكد من حاجه كده
أحلام : حاضر ي دكتور
الدكتور : هتروحي المستشفي ودا اسم الاشاعة واعملوها وتعالولي تاني

عملوا الإشاعة وبعدين راحو للدكتور تاني
أحلام :أتفضل ي دكتور الإشاعة أهي
الدكتور : بص في الإشاعة وفحصها وبعدين سكت شوية وقلهم يؤسفني إني اقولكم الكلام ده بس الأنسة مريم عندها ثقب في القلب ولازم تتعالج شوية ولو متحسنتش هتحتاج عملية
وقع الخبر علي مريم وأمها كالصاعقة ......
الدكتور : انا عارف ان الخبر صعب بس لازم من بكرة تتحجز في المستشفي
أحلام : بدموع تتساقط حاضر ي دكتور ربنا يسهل وبكرة ان شاء الله نكون في المستشفي
الدكتور : وانا ان شاء الله هتابع حالتها بنفسي
أحلام شكرا ي دكتور بعد إذنک
الدكتور : اتفضلو

في التاكسي وهما مروحين
أحلام : مريم متزعليش ي بنتي دا أمر ربنا
مريم : لسه مصدومة ......
أحلام : انا معاكي ي بنتي وربنا مش هيسيبک ان شاء الله ولازم نقول لخطيبک ي بنتي
مريم: فاقت شوية من الصدمة الحمد لله ي ماما انا عارفة ان ربنا بيحبني عشان كده بعتلي المرض ده عشان انا في الفترة الاخيرة بعت عنه وإذا كان علي خالد هقوله وليه حرية الإختيار يكمل معايا او يسيبني اينعم انا بحبه بس مش هجبره يكمل معايا ولما اروح اكلمه واقوله
أحلام :ربنا يكملك بعقلك ي بنتي وربنا يشفيكي
رجعت البيت وارتاحت شوية وبعدين اتصلت ب خالد
مريم : الو ازيك ي خالد عامل ايه
خالد : الحمد لله ي قلبي مال صوتك
مريم : بصراحة ي خالد انا عايزة اقولك حاجه بس هي هتزعلك
خالد : بهزار جالك عريس جديد ولا ايه
مريم : لا حاجه تاني بص ي خالد انا هقولك بس بعد اذنك اسمعني للاخر وبعدين رد
خالد : شكله الموضوع كبير بس حاضر
مريم : اولا انا بحبک جدًا ومقدرش أعيش من غيرك انت روحي وكل حياتي بس في مشكلة انا تعبت من فترة كدة وقلبي وجعني وماما خدتني ودتني للدكتور والدكتور قالي انو عندي ثقب في القلب (والدموع تتساقط من عينها ) ولازم ادخل المستشفي واخد علاج ولو منفعش لازم اعمل عملية فقولت اقولك وانت ي ابن الناس مش ملزم تكمل معايا وفكر ورد عليا
خالد : اولا انا بحبک اكتر مانتي بتحبيني وهكمل معاكي
مريم : متتسرعش في الرد عليا فكر ورد عليا
خالد : تمام هفكر تاني بس انا بحبك برضو
مريم : تمام مع السلامة
خالد : مع السلامة

راحت مريم المستشفي وبدات في العلاج وبعدين خالد رن عليها
مريم : ازيك ي خالد عامل ايه فكرت ؟؟؟
خالد : ازيك ي قلبي ايوة فكرة ومقدرش اسيبك ولا اتخيل حياتي من غيرك
مريم : بجد ي خالد
خالد : بجد ي عمر خالد
مريم : انا بحبك قوووي
خالد: وانا كمان ويلا بقي بطلي رغي عشان متتعبيش
مريم : حاضر ي قلب مريم
مريم بعد المكالمة دي كانت طايرة من الفرحة وكأنها مش تعبانة
بعدين بدأت تاخد العلاج بتاعها بانتظام وخالد كل يومين يكلمها ويطمن عليها ويديها دفعة إيجابية لغاية مخلص الجيش بتاعه ورجع

في المستشفي
الباب بيخبط ممكن ادخل
مريم : دا صوت خالد
خالد : بالظبط دا صوتي وحشتيني قوووي قد العالم
مريم : وانت كمان قوووي انا مش لسه مكلماك امبارح وقولتلي انك لسه مخلصت ورقك
خالد : كنت عملهالك مفجأة ولا ايه ي خالتي
أحلام: عندك حق يبني عامل ايه حمد الله علي سلامتك
خالد :الله يسلمك ي خالتي
ايه مالك مين قال انك تعبانة مانتي زي القمر اهو
يلا بقي من دلوقتي هقعد علي دماغك عشان تخلصي عشان نتجوز ولا انتي خلاص حبيتي حد غيري
مريم : مقدرش دا انت النفس اللي بتنفسه
أحلام : يلا بقي ي مريم خدي الدوا ونامي شوية
مريم: سبيني شوية مع خالد ي ماما والنبي
خالد : احنا قولنا ايه لازم ترتاحي يلا خدي الدوا وارتاحي وانا قاعد مش هسيبك
مريم : حاضر.. خالد
خالد: ايه
مريم :بحبک ♥️
خالد : وانا كمان ♥️

أحلام : مش عارفة اشكرك ازاي يبني انك متخلتش عن مريم في الوقت ده
خالد : متقوليش كده ي خالتي انا مقدرش اعيش من غير مريم وبعدين اللي بيحب بيقبل حبيبه باي شكل ولا ايه
أحلام: ربنا يكملك بعقلك يبني ويخليكو لبعض

اكملت مريم علاجها وخالد بجانبها مما ساعد علي سرعة استجابتها للدواء ولكن كان يلزم إجراء العملية
في يوم العملية ...
مريم متوترة وخايفة جدا
مريم : خالد
خالد : نعم
مريم : انا بحبك قوووي لو حصل حاجه خليك جمب ماما هي ملهاش غيري ي خالد
خالد : متقوليش كده ان شاء الله هتطلعي من العملية بخير ربنا معاكي ومش هيسيبك
مريم : يااارب
الممرضة : بعد اذنكوا لازم آخد المريضة عشان اجهزها عشان العملية

مرت عدة ساعات ومريم في العمليات وخالد بيدعي وبيقرا قران عشان ربنا يقف مع مريم واحلام هكذا خرج الدكتور من غرفة العمليات
أحلام وخالد : في نفس واحد طمنا ي دكتور
الدكتور : الحمد لله العملية نجحت وهي دلوقتي في الافاقة وكمان ساعتين ممكن تشفوها
خالد : سجد لله الحمد لله يااارب

فاقت مريم من البينج وبعدين قعدت اسبوع في المستشفي وبعدين خرجت واتجوزا وعاشو حياة سعيدة
تمت
-اللي بيحب بيستحمل
العبرة : ان اللي بيحب بجد بيوقف جمب اللي بيحبه في الوحشه قبل الحلوة
#فاطمة'ة عاطف
#قصص زي الكتاب ما قال