قصيدة هيحصل ايه لما اموت كلمات والقاء محمد حداد
#قصيده_ هيحصل اي لما اموت
كلمات والقاء محمد حداد Mohammed Hadad
جيرافيك Mohamed koleeb
من كتر ما بشتاق لحنين او حضن من حد قريب او حتي كلمه بحبك من بعيد او صديق يقولي انت طيب بقيت انا بتمني اموت المقابر مفتوحه ديما وبتحضنك بدون مقابل مبقتش اتخيل فرح في حياتي جايز جدا تحبوني بعد مماتي مكتبتوش ليا جواب وكلمه حلوه يمكن تكتبوها علي قبرى يوم وفاتي بشوف الناس بتتكلم عن حد مات ويقوله انه كان طيب وجدع وكلنا بنحبه ويحكو عنه ويجيبه سيرته بالساعات الموضوع عشش جوايا وحبيت جدا الفكره هم طبعا مش معايا ليه مكانش ليهم ذكرى هيحصل اي لما اموت ده كان مجرد سؤال سكت فجأه وجاوبت دوام الحال من المحال الحزن هيبقي صعب اول يوم جنازتي أم هتصرخ واخ هيزعل كمان يومين صحابي دور شهامه هيرفعولي صورتي وحبيبتي في اوضه ضلمة هتنزلها دمعتين او ممكن حد كان شريك يعمل صورتك بورتريه يافطه تتعلق بحبلين حاجه شيك علي اول حارتنا يكتبوا اسمك شهيد يوم والتاني الشمس اكلت الحبال وحتي صورتي في اليفطه بهتت والصورة علي الارض وقعت ووقعت معاها من القلوب من غيري العدد كامل في بيتنا ورفعوا الاغاني تاني في شارعنا واول فرح اتعمل من صحابي بعدي كان لحد كنت عزيز عليه من عيلتنا كل حاجة في اولها صعبه والايام بكره هتدور الدنيا زي ضي شمعه تنطفي ينتهي معاها النور قول بحبك لكل حد جنبك ناس عايشه تتمنى قربك انت قادر من كلمه وحده تخلق حياه لانسان جديد مش لازم اموت عشان تحبوني وتصرخوا وتسبقوا اسمي بلفظ كان انتو ممكن بحضن منكم تحيوني وبوجودكم تنوروا ليا المكان ليه نبكي علي اللي عدا ونموت علي إللي راح احنا نعمل قانون جديد اول بند فيه نطبطب علي الجراح احنا بنتعلق بكلمه تكون لينا سبيل حياه الغريق بيتعلق بقشه تكون ليه طوق نجاه
تعليقات
إرسال تعليق
اكتب تعليق لتشجيعنا