شعر 2020 بقلم ساره مجدي من اعضاء زي الكتاب ما قال
ألفين وعشرين يا ألفين وعشرين ..
كنا بيكى مبهورين . وليكى مستنين ..
اللى خلص تالتة ثانوى . و اللى مستنى التعين ..
من يوم ما بدأتى واحنا مرعوبين .. 🥺
بدايتها حرايق فى استراليا . والحيوانات مهددين ..
وبعدها محبوسين فى البيت . ومن الخروج ممنوعين ..
وباء عالمى انتشر . بقى يموت فى البنى ادمين ..
حظر تجول . وبكحول وماسكات ماشين ..🤐
وكل يوم خايفين . وبنسمع أعداد المصابين ..
وجيش الدكاترة على أماكن العزل متوزعين ..
بقينا نخاف نسلم . حتى على القريبين .. 🤚
كنا بنشتكى لو خدنا فى يوم محاضرة وسكشنين ..
دلوقتى بنتمنى نرجع ونكون متمرمطين ..
نركب مواصلات عادى حتى لو للكوامل رايحين ..
نمشى ونركب سلالم واحنا مبسوطين ..
والدنيا تمطر علينا عادى ما احنا كدا كدا مروحين ..
ونشيل شنط ونروح السكن وفى العربية محشورين ..🙃
احنا نعمل اى حاجة الا اننا نبقى مقيدين ..
دى الحرية هى الحياة ومن غيرها نكون مخنوقين ..
حد يصدق ان فيروس مش شايفينه يوقف عالم بحاله ..
دا اثبتلنا ان الانسان مهما وصل فهو من أضعف المخلوقين ..🤦♀️
#Sara_Magdy
تعليقات
إرسال تعليق
اكتب تعليق لتشجيعنا