-بتعملي إيه ياستي
=إيه بشيل الأطباق بعد الغدا فيه إيه
-يابنتي إنتي متخلفة
=طي متشتمش بس عشان مقلش أدبي
-محترمة أوي مراتي دي
=الله يعزك
-طيب إنتي حامل ومينفعش تتحركي كتير
=ولا ولا بلاش محن يلا
-يابنتي هو أنا جاي م الشارع ده أنا جوزك
=أيوة يعني تقربلي إيه برضو مش فاهمة
-ياارب العالمين
=صبرني علي هذا الدين
-إيه؟!
=هي بتقول كدة
-هي مين
=الجملة
-بتقول إيه الجملة بقى
=يارب العالمين صبرني على هذا الدين
-يارب يصبرني عليكي إنتي والله
=إيه ياعم
-إبليس بيقبضك كويس مرتاحة معاه يعني؟
=بتتريق عليا يا خالد
-اسمها يارب العالمين ثبتني على هذا الدين
=طاايب يا شبح
-تموتي لو مرمتيش دبشاية ف نص الكلام تقفل الناس منك
=أسلوب حياة يااباا
-طب تعالي أغنيلك
=ماشي وآدي قعدة
-صاحبة الصون والعفاف
=عفاف مين لمؤخذة يا وحش
-هلطم ع وشي والله
=أيوة مين عفاف
-الاغنية بتقول كدة هبقى أسأل أحمد حاضر
=أحمد صاحبك بتاع البنات آه تلاقيه عارف عفاف أكيد مهو بتاع بنات
-يا زينب هسأل أحمد جمال ان شاء الله اللي بيغنيها
=آه لمؤخذة كمل
-أحلى وحدة ف البنات
=إلهي يعمر بيتك
-طب وربنا منا مكمل
=قفوشة تارتارتارا
-بت بت قومي شيلي الأطباق وروحي عند حماتي لحد م تولدي
=بيطردنااااااي
-أيوة
=مش هتغنيلي ولا بت ولا نيلة معايا حبيبتي ست الكل؟
-هي الشمس هي الضل
=هي مين دي
-أمي ي زينب أمي
=طيب ياعم
-بقولك إيه
=قول
-قوليلي بحبك
=بس ع شرط
-ها
=تغنيلي تاني بس حاجةل حمزة نمرة
-حاضر
=بحبك ي قلبي
-أخيرا الواحد سمع كلمة عدلة قبل م يموت
=عد الجمايل
-عديتهم يختي
=غني يلا
-حاضر
-مالك مش باين ليه؟
=منا مرزوعة معاك أهو ياعم
-قلبك تايه من مدة كبيرة
=لا لا موجود متخافش
-خايف تتكلم لييه؟
=مين دي اللي تخااااف
-ف عيونك حيرة وحكاوي كتيرة
=لا ده الأيلاينر بس مجهد شوية
-شايف ف عنيك نظرة حنين
=لا جعانة بس
-بتحن لمين ولا مين
=لعم حنفي بتاع الكبدة
- ستووووب تعاليلي بقاا هنا عشان أنا مستحملك كتير كبدة إيه وعم حنفي إيه يابت المجانين....
_تم
_هواري
11/5/2020
جميلة
ردحذفتم
حذفجميلة💙
ردحذف