كيف تطور نفسك في مجال الكتابه - ازاي تحسن من مستواك في كتابه الشعر، الاسكريبت، القصص القصيرة

أسكريبت "مجنونة كرتون"

- انا عايز اتجوزك
= كنت مين في مجلة ميكي علشان اوافق عليك
- نعم !
= لا مفيش
- طيب ايه ؟
= قلبظ بجنيه
- لا قصدي موافقة يعني ؟
= و عايز تتجوزني ليه يا فلين رايدر ؟
- علشان .. علشان انتي....
= لاني اجدع من كل الرجاله اللي هنا خاطرت بحاجات كتير اوي علشان اوصل للمكانه دي
- رجاله ايه و مكانه مين ؟
= عايز تتخانق تعالا اتخانق لا خوفتني خوفتني
- اتخانق ايه يا بنتي انتي كويسة !
= اصل انا بيجيلي فقدان ذاكرة مؤقت .. مين حضراتكم ؟
- انا سليم يا ورد انتي مش فكراني ؟
= انا بهزر
- خضتيني
= اممم
- طيب تحبي الفرح يكون فين ؟
= في البرج اصل ماما بتخاف عليا اوي من الناس اللي بره
- برج ايه ؟
= مفيش مفيش، انت مش جعان ؟
- اه جدا
= اعرف مطعم بيعمل اكل حلو اوي
- اسمه ايه ؟
= البطابيط
- والله ! اااااه
= يا ذوق مترجعش على الصدفه انا لسه ملمعها
- طب يالا بينا
= هنروح علي فين ؟
- البحر
= يااااه هنروح الشلال يا إيلي
- شلال ايه و إيلي مين ؟
= انت مش بتتفرج على كرتون ؟
- لا يا ورد اتفرج ازاي يعني و انا شحط كده
= انت كمان بتهين اللي بيتفرجوا على كرتون يا سليم مش كفاية انك مش بتتفرج و جاي تتقدملي ؟
- لا مش قصدي...
= انا ممكن ارفضك على فكره
- لا انا اسف خلاص انتي صدقتي ده أنا بتفرج على كل افلام الكرتون و حافظهم صم
= بجد ؟
- اه طبعا
= أندي كان هياخد مين و هو رايح الجامعة ؟
- وودي
= فلت من اول سؤال، طيب اسم صاحب تنه و رنه ايه ؟
- تميم
= ريمي كان عايش تحت أنهي بلد ؟
- باريس
= فلت برضوا، طيب خد دي
- هاتي يا اخره صبري
= قطتي ؟
- قطتك لازم تروح
= يا أخي ده انت رخم
- طب يا سيدي شكرا كفايه
= لا استنى العائلة الخارقة كانوا خارقين في ايه ؟
- الاب عملاق، الام مطاطية، البنت الكبيرة بتختفي، الابن الكبير بيمشي على المايه، الولد الصغير بيتحول لاشرار و معادن
= و بتضحك عليا و تقولي مبتفرجش
- عديها يا ستي ده انتي حقوتشه
= طيب كان في جملة دايما في فيلم عائلة كرود كان بيقولنا الاب لما كان بينهي قصصه بيقولها ؟
- و ماتت العائلة و بيخبط ايده على الحيطه
= يا نهار احوس عليا اعمل فيك ايه تاني ؟
- وافقي بقا
= وربنا لازم اطلع روحك
- يادي النيلة
= اسبونچ بوب ؟
- اسكوير بانتس
= بن تن لما بيلاقي شرير بيعمل ايه ؟
- بيضغط على الساعه و بيقول حان وقت البطولة و بيتحول
= لو الدنيا ادتك ضهرها ؟
- ادي ضهرك للدنيا
= هاكونا ماتاتا ؟
- حكمة نغمها لذيذ
= ده انت غتت غتت يعني
- ما انا مش همشي غير لما توافقي
= هو الامبراطور زورج لما كان عايز يموت باظ يطير كان بيستخدم ايه ؟
- مفجر أيوني
= ما تغلط في سؤال بقا
- ابدا انا و انتي و الكرتون كتير
= طيب آخر سؤال
- طب كويس أنه آخر سؤال طلعتي روحي
= اسامي الاقزام السبعة ؟
- فرحان، غضبان، دؤدؤ، عطسان، نعسان، خجلان، دوك
= مفيش فايده قوم هات المأذون ربنا على الظالم
- و هتجوزها
= انا ابقى مرات المغرور الجاهل ده
- ؟؟؟!!
= مبروك عليك انا يا حبعمري

"حلمت بك حتى أصبحت حقيقة"
#Esraa_Samy