كيف تطور نفسك في مجال الكتابه - ازاي تحسن من مستواك في كتابه الشعر، الاسكريبت، القصص القصيرة

بقلم ورد محمد من خواطر اعضاء زي الكتاب ما قال

"أنّ أبغض الحلال عند الله الطلاق" فكر يابنى فكري يا بنتى تاني ، عالعموم هسيبكوا نص ساعه يمكن ربنا يهدى سركم، استأذنكم انا بقا؛

=أنا مش عارفة هو مضيع وقته ليه والله
-فعلاً، يلا عايزين نخلص
=انت شايفني مثلا ماسكه فيك ولا ايه
-لا انتي طول عمرك سيباني، عمرك ما مسكتي فيا

*عينيها بتدمع
=أنا يا عٌمر ؟
-ممكن لو سمحتِ ماتعيطيش!

*بتكمل عياط بتنهيده
=ملكش دعوه بيا
-طيب ممكن أفهم ايه اللي وصلنا للنقطه دي
=يعني انت متعرفش ، اه اقتل القتيل وامشي ف جنازته
-قتيل ايه يخربيتك لمي لسانك دا
=شايفني متبعتره ولا اي ياخويا -يا ساتر يارب طب خلاص اسكتى اسكتى
=آه هسكت وروح للسلعوه بنت خالتك دي خلاص فضيلك الجو
-اولًا اسمها سلوى ثانياً جو ايه يابنتي اقسم بالله مافي بينا حاجه
=والله ولما قفشتكم ف الشقه مع بعض
-قفشتينا ؟
=اه وكنت بتفتحلها باب الشقه
-انتي كدا مسمياه قفش ، البنت كانت لسه داخله قولتلها انك مش موجوده وبخرجها يوقعنى حظى الأسود اني الاقيكي ف اللحظه الخليعه دي
=ايوه يعني اعترفت بلسانك
-يا مثبت العقل والدين
=لا ولبسالي فستان احمر البجحه
-خلاص تاني مره قبل ما ادخلها هقولها روحي البسي بنفسجى عشان الاحمر لون الخيانه
=والدم
•بعد عنها شويه
-يا ويلى، انا عملت اي يبشه بس
=ايه مش عايز تقولها البسي واخلعي
-واخلعي ؟
=اه هي لابسه خالعه اصلا
-ايه ؟
=شبسى وكارتيه
-عسل عسل ، هاتى بوسه بقى
=لا يلا طلقنى اخلص
-لا حول ولا قوة الا بالله يا بنت المجانين بطلي شغل الجنان دا
=انا مجنونه ؟
-مجنونه وزي القمر
=عمر هي احلي مني عشان تبصلها وانا معاك ؟
-يا شيخه الله يحرقها
=اه السلعوه
-سلوى
=سلعوه وامها سلعوه
-هو احنا عيلتنا كلها من فصيلة السلاعيل
=سلاعيل
-اه جمع سلعوه
=انت كمان بتهزر وانت خايننى؟
-يا شيخه انا جيت جنبك خاين ايه بس منك لله

*عينيها بتدمع تانى
=انا منى لله
-او منك لقلبى يعني مش عارف
=لا مش مسمحاك ، يا اعمى ياللي مش بتقدر النعمه
-شالله أعمى بجد يا شيخه لو كنت بصيت لحد غيرك
=لا بعد الشر
-طب يلا بقى عشان نروح كفاية لحد كدا جنان
=لا انا نفسى اتطلق
-نفسك تطلقي ؟
يابنتى دا طلاق مش اكل ولا شرب
=مش عارفه بس عايزه اجرب الشعور
-اللهم طولك يا روح
=يلا نادى على اونكل اللي برا دا عشان يطلقنا
-اونكل ؟ معلش هو استأذنّى يروح يتغدا وييجى
=نعم!
-ايه اللي نعم مانتي بتهزرى قولت اهزر معاكى ، انتى فاكرة دخول الحمام زي خروجه ؟
ويلا بقى عشان نروح ناكل احنا كمان انا ميت مـ الجوع
=مقرف
-و بحبك
=هتأكلنا فين
-يلا مش خسارة فيكى كنتاكي
=لا عايزه بيتزا
-بالفراخ
=اكيد
-يلا بقى
=هتجبلى شوكولاته وهتخلينى اتفرج علي المسلسل حتي لو الماتش شغال ؟
-حتي لو مدريد
=اه يا عمر انا ولا مدريد
-مدريد طبعاً يا روحى يووه اقصد انت يا غزال
=خلاص يلا طلاق اي وبتاع اي
-انا بقول كدا برضو، هاتى بوسه بقى
=البيتزا الاول
-الصبر يارب
.
_متشبثين بأضلع بعضنا البعض
إلى أن تتلاشى أرواحنا💙

#ورر'د 🌻